سەرنووچە:

ژێدەرێن ئاڤا عێراقێ: ئەو رێژا بارانێ یا هەتا نها باری یە تێرا ئاڤدانا دەخلودانی دکەت

PM:11:55:26/03/2023

572 جار خوێندراوەتەوە

+ -

وەزیرێ ژێدەرێن ئاڤا عێراقێ ڕاگەهاند، ئەو بارانا ل ڤێ داویێ باری کارتێکرن هەبوویە لسەر ئاستێ ئاڤا هەلگرتی و بۆ هاڤینی ژی پشتڕاستیێ ددەتە وەلاتیان. دبێژیت ژی، "ئەو بارانا هەتا نها باری ئاڤدێریا دەخلودانی پەیداکریە".

عەون زیاب، وەزیرێ ژێدەرێن ئاڤا عێراقێ بۆ ئاژانسا نووچەیێن عێراقێ ڕاگەهاند، ئەو رێژا باران بارینێ یا ڤێ داویێ باری مفایەکێ مەزن هەیە و زێدەتر بەشێ رۆژهەلاتا رووبارێ دیجلە گرتیە کو ژ هەرێمێ هەتا بەسرە و میسان درێژ دبیت.

ئاماژە ب وێیەکێ ژیکر، ئەو رێژا بارانێ یا ل ڤێ داویێ باری، ئاڤدێریا دەخلودانی دابینکریە کو بەریا نها مەترسی لسەر بوو.

دبێژیت ژی، وەزار ەتا ژێدەرێن ئاڤی بەردانا بەنداڤان کێمکریە بتایبەتی بەنداڤا موسل ژبەر وێ رێژا پێتڤی دابینکریە ب مەرەما ئاڤدانێ، کو ژ هەردوو زێ مەزن و بچیک ژێدەری وەردگریت.

ئەڤە د دەمەکێ دایە، رۆژا ٢١ی ٣ی ٢٠٢٣ێ محەمەد شیاع سودانی سەرۆکوەزیرێن عێراقێ ب سەرۆکاتیا شاندێ بلندێ عێراقێ ب سەرەدانەکا فەرمی گەهشتە ئەنقەرەیا پاتەختێ تورکیا و ژ ئالیێ ڕەجەب تەیب ئەردۆغان سەرۆککۆمارێ تورکیا ڤە پێشوازی لێ هاتەکرن.

گەلەری