PM:12:13:26/03/2023
8008 جار خوێندراوەتەوە
+
-
ڤەلڤینا نەوەی نوێ ڕاگەهاند، راپۆرتا وەزارەتا
دەرڤەیا ئەمریکا پشتڕاست دکەین و هەمی زانیاریێن وان ڕاستن، دبێژیت ژی، حکومەتا دەم
بسەرڤەچوویا هەرێمێ ب درێژاهیا حکومرانیا خۆ نەشیایە و نەڤیایە خزمەتا خەلکی بکەت.
ڤەلڤینا نەوەی نوێ د ڕاگەهاندنەکێدا ئاماژە ب وێ
دا، ڕەوشا نها یا کوردستانێ ژ ھەمی ئالیان ڤە د پاشڤەچوونێ دایە و حکومەتا دەم بسەرڤەچوویا
ھەرێمێ ژی ب درێژاهیا حوکمڕانیا خۆ نەشیایە و نەڤیایە خزمەتا وەلاتیان بکەت و گەهشتیە
ئاستەکی کو ھەمی کارەکێ نەیاسایی و نەدیموکراسی پەیڕەو دکەت ژ پێخەمەت مانێ د دەستهەلاتێ
دا.
ئەویەک ژی بەرچاڤکر، "زێدەباری پشتەڤانیا
تەمام بۆ ڕاپۆرتا سالانەیا وەزارەتا دەرڤەیا ئەمریکا دەربارەی پاشڤەچوونا دیموکراسیێ
و ژیانا سیاسی ل هەرێما کوردستانێ مە دڤێت وێ چەندێ ژی پشتڕاست بکەین کو سەد ژ سەدێ
ئەو زانیاریە ڕاستن و هێشتا هندەک بابەتێن دیێن تایبەت ب ئازادی و سیستەمێ دادوەریی
و بکارئینانا دەستهەلاتێ بۆ ئێکئالیکرنا ئاریشەیان بەحس ژێ نەکریە."
نەوەی نوێ دبێژیت ژی، ئەو گڤاشتنێن كۆمه‌لگەها
نێڤده‌وله‌تى و دگەلدا فشارێن ناڤخۆیی لهسه‌ر ده‌ستهه‌لاتدارێن هه‌رێمێ ب باش كارتێکرن
ل‌سه‌ر پڕۆسه‌ىا ب دیموكراسی بوونا هه‌رێما كوردستانێ دروست د‌كەت و ئەو فشار و خەمخۆرییا
جڤاکا نيڤدەولەتی جهێ پێزانینەکا زۆرە و ب هیڤیا هوویرکرنا زێدەتر یا فشاران بۆ ڕزگارکرنا
هەرێما کوردستانێ و خەلکێ وێ ژ دیکتاتۆریەتەکا حەتمیا داهاتی و ئەگەر ئەڤ فشارە
هوویر تر نەبن وی دەمی مسۆگەر هه‌رێما كوردستانێ د دیكتاتۆرییه‌تەکا حەتمی نێزیك
د‌بیت.
ئاماژە ب وێ ژی کریە، ده‌ستهه‌لاتدارێن هه‌رێما
كوردستانێ ل هه‌ردوو حزبێن فه‌رمانڕه‌وا پارتى و یه‌كێتى ب تەمامی ڕێگرن ل پێشیا به‌ره‌ڤپێشچوونا پڕۆسه‌یا دیموكراسی و ئازادیێ ل
هه‌رێما كوردستانێ.
نەوەی نوێ د ڕاگەهاندنا خۆ دا کۆمەکا خالان دەربارەی
سەلماندنا نەدیموکراسیبوونا حکومەتا دەم بسەرڤە چوویا هەرێمێ بەلاڤکریە کو بریتینە
ژ:
١-پاشخستنا هه‌لبژارتنان بێ چ هێجەتەکا یاسایی و شەرعی.
٢- ده‌ستێوه‌ردان د كاروبارێن دادگەهاندا و لاوازكرنا ده‌ستهه‌لاتا دادوەری
و کۆنترۆلکرنێ هەیاکو ئاستێ بێ بهاکرنێ.
٣- سنورداركرنا مافێن مه‌ده‌نی و ئازادییێن سیاسی و سەرکوتکرنا دەنگ و رەنگێن
ئۆپۆزسیۆنێ.
٥- دەستەسەرکرنا ڕۆژنامه‌ڤان و چالاکڤانان.
٦- تەپەسەرکرنا شێوازێن پشکداریا سیاسیی ب نموونەیا خۆنیشاندان و خرڤەبوونێن
جه‌ماوه‌ری.
٧-
گرنگی دان ب كلتورێن نەدیموكراسی ل هه‌رێما كوردستانێ بۆ نموونە ب حزبیكرنا ڕێكخراوان
جڤاکا مه‌ده‌نی.