سەرنووچە:

وەزارەتا پەتڕۆلا عێراقێ: مە سکالایا ل دژی تورکیا لسەر فرۆتنا پەتڕۆلا هەرێمێ بر

PM:04:19:25/03/2023

2752 جار خوێندراوەتەوە

+ -

وەزارەتا پەتڕۆلا عێراقێ ڕاگەهاند، ئەو سکالایا ل دادگەها پاریس لسەر نەیاسایبوونا هنارتنا پەتڕۆلا هەرێمێ بۆ تورکیا بریە. تورکیا ژی دبێژیت، ڕێزێ ل بریارا دادگەها پاریس دگرین".

وەزارەتا پەتڕۆلا عێراقێ ڕاگەهاندنەک بەلاڤکر و تێدا هاتیە، بڕیارا داویێ یا دادگەها پاریس دەربارەی نەیاسایبوونا هنارتنا پەتڕۆلا هەرێمێ بۆ تورکیا پێگەهشتیە و ئەو بڕیار د بەرژەوەندیا عێراقێ دایە.

دبێژیت ژی، ئەو بڕیار ژ ئالیێ دەستەیێ ناڤبژیوانیا سەر ب ژورا بازرگانیا نێڤدەولەتی ل پاریس ل ٢٣ێ ڤێ مەهێ دەرچوویە.

ئاماژە ب وێیەکێ ژی هاتیەکرن، کۆمارێ عێراقێ سکالا ل دژی تورکیا تۆمارکریە ب سەدەمێ بنپێکرنا لهەڤهاتنا هێلا بۆریێن پەتڕۆلی یێن عێراق و تورکیا کو ل سالا ١٩٧٣ هاتیە ئیمزاکرن.

بەحسا وێیەکێ ژی هاتیەکرن، د لهەڤهاتنا وان دوو ولاتان دا لهەڤهاتینە لسەر وێێەکێ کو تورکیا پێگری ڕێنمایێن عێراقێ بیت ل هەمی لهەڤهاتنێن ڤەگوهاستنا پەتڕۆلا خاڤ ل عێراقێ بۆ هەمی وێسگەهێن تورکیا.

ئەڤە ژی پشتی وێیەکێ دهێت، رۆژا ١٥ێ شوباتا سالا دەربازبووی، دادگەها فیدڕالیا عێراقێ جڤینا خۆ دەربارەی دۆسەیا ٥٩ێ یا فیدڕالی تایبەت ب هنارتنا پەتڕۆلێ ژ ئالیێ حکومەتا هەرێمێ ڤە بۆ دەرڤەی وەلاتی و بێ ڕازیبوونا حکەمەتا فیدڕالی ئەنجامدا.

پشترا ڕاگەهاند، یاسایا پەتڕۆل و غازا هەرێما کوردستانێ و فرۆتنا پەتڕۆلێ ژ ئالیێ حکومەتا هەرێمێ ڤە نەدەستورییە.


 

گەلەری