PM:05:25:21/03/2023
1176 جار خوێندراوەتەوە
+
-
رێڤەبەریا خۆسەر ناسنامەیا تۆهمەتبارێ کوشتنا وان
چار وەلاتیێن کورد ئەشکرا کر کو ل دەمێ هەلکرنا ئاگرێ نەورۆزێ هاتنە کوشتن و داخازێ
ژی ل جڤاکا نێڤدەولەتی دکەت لسەر وێ بوویەرێ بێدەنگ نەبن.
رێڤەبەریا خۆسەر ل رۆژئاڤایێ کوردستانێ د راگەهاندنەکێدا
دەربارەی وان چار وەلاتێن کورد یێن ل باژێرۆکێ جندرێس هاتنە کوشتن ناسنامەیا تۆهمەتبارێ
وێ بوویەرێ ئەشکراکر و راگەهاند، "ئەو چار وەلاتیێن کورد ژ ئالیێ ملیشیایێن ئەحرار
شەرقیە یێن نێزیک ژ تورکیا و ئەبو حەبیبەیێ ئەندامێ وی گرۆپی، ل دەمێ پشکداریکرنێ د
ئاهەنگا نەورۆزێ دا هاتنە کوشتن."
د وێ ڕاگەهاندنێ دا، داخاز ژ جڤاکا نێڤدەولەتی
و رێکخراوێن مافێ مرۆڤی و نەتەوەیێن هەڤگرتی کریە ل ئاست وێ بوویەرێ بێدەنگ نەبن و
سنورەکی بۆ داگیرکاریێن تورکیا بۆسەر ئاخا سوریا ب گشتی و دەڤەرێن ژێر دەستهەلاتا ڕێڤەبەریا
خۆسەر ب تایبەتی دابنێن.
رۆژا دووشەمبی و ل دەمێ هەلکرنا ئاگرێ نەورۆزێ
ل جندرێس، چار کەسێن ئەندامێن ئێک خێزان کو ژیێ وان دناڤبەرا ١٨ بۆ ٤٣ سالان دا
بوونە ب دەستڕێژیا گوللـەیان هاتنە کوشتن.