PM:12:04:21/03/2023
1088 جار خوێندراوەتەوە
+
-
وەزارەتا دەرڤە یا ئەمریکا راپۆرتا سالانە یا
خۆ دەربارەی رەوشا مافێ مرۆڤی ل جیهانی بەلاڤکر و ئاماژە ب وێیەکێ کریە،
دەستهەلاتدارێن هەرێمێ ب حەزا خۆ رۆژنامەڤان و چالاکڤان و خۆنیشاندەر
دەستەسەرکرینە و بەشەکا وان هێشتا د زیندانێ دانە. ئەویەک ژی هاتیە، "حکومەت
نەشیایە ئەویێن بەرپرسیار ژ بنپێکرنا مافێن مرۆڤی و گەندەلیێ سزا بدەت".
د راپۆرتا وەزارەتا دەرڤەیا ئەمریکا ئەویەک
ژی هاتیە، ل مەها ئابا سالا دەربازبووی هێزێن ئەولەهیێ دەهان رۆژنامەڤان و
چالاکڤان و سیاسەتمەدار بێ هایداریا وان دەستەسەرکرینە، بەری نەرازیبوون پشتی
نەرازیبوونان، کو بەرهەڤی ل پارێزگەهێن سلێمانیێ و دهۆک و هەولێر بۆ هاتبوونە کرن.
بەحسا وێیەکێ ژی دکەت، رۆژا ئێکێ ئابێ، هێزێن
ئاسایشا ناڤخۆ یا هەرێما کوردستانێ تیمەکا نووچە و رادیۆ و تەلەفزیۆنا نالیا کو ل
دووکەسان پێکهاتبوون، بێ تۆهمەتا دیاریکری دەستەسەرکرن د دەمەکی دا، تیما ئێن ئاڕ
تی چاپێکەڤتن دگەل ولاتیان دەربارەی رەوشا ئابوری و سیاسیا باژێڕێ سلێمانیێ دکر.
ئەویەک ژی هاتیە بەرچاڤکرن، د خۆنیشاندانێن ٦ێ مەها ئابا سالا دەربازبووی کو ژ ئالیێ نەوەی نوێ هاتبوو ڕێکخستن، هێزێن ئەولەهیێ
چەندین رۆژنامەڤان و چالاکڤان دەستەسەرکرن کو مژیلی رومالا خۆنیشاندانان بوون.
جودا ژ وێیەکێ ژی نووچەگەهانێ دەنگێ ئەمریکا ب ناڤێ سنور کەریم بۆ دەمێ ٢٠
دەمژمێران ژ ئالیێن هێزێن ئاسایشی ڤە هاتە دەستەسەرکرن.
دەربارەی رەوشا زیندانیان ئاماژە ب وێیەکێ
هاتیەکرن، رەوشا زیندانیێن هەرێمێ ل دەمێ دەستەسەرکرنا تۆهمەتباری یا دژوارە و
توندوتیژی هەیە و ژبەر کێمیا خارنێ و قەرەبالغیەکا زێدە، رەوشا ساخلەمی و چاڤدێریا پزیشکی نەتەمامە و
مەترسی لسەر ژیانا وان د زیندانێ دا هەیە.
هەر د وێ ڕاپۆرتێ دا هاتیە، "جڤاتا
دادوەریا هەرێما کوردستانێ ژ روویێ یاسایی و دارای و کارگێری ڤە سەربەخۆیە ل
وەارەتا دادا هەرێما کوردستانێ، لێ دهێتە گۆتن سەرکردیێن بلندێ هەرێما کوردستانێ
باندۆری لسەر دۆسەیێن هەستیار هەبوویە. هەروەسا پارتی دیموکراتی کوردستان و یەکێتی
نیشتیمانی کوردستان باندۆری لسەر بڕیارێن دادوەری هەبوویە.