PM:07:40:19/03/2023
1000 جار خوێندراوەتەوە
+
-
پەیڤدارێ فڕاکسیۆنا
نەوەی نوێ ل پەرلەمانێ کوردستانێ بۆ ئێن ئاڕ تی ڕاگەهاند، ئەگەر هەرێم پێگری
پرۆژەیاسایا بودجەی بیت ڕەوشا خەلکێ هەرێمێ دێ باش بیت.
رێبوار ئەورەحمان،
پەیڤدارێ فڕاکسیۆنا نەوەی نوێ ل پەرلەمانێ عێراقێ ئاماژە ب وێیەکێ کر، ئەگەر
هەرێم پێگری پرۆژەیاسایا بودجەی بیت وی دەمی وەلاتیێن هەرێمێ دێ دوو جاران مفادار
بن ژ پرۆژەیاسایێ.
دبێژیت ژی، ب نەشاندنا
شایستەیێن دارایی بۆ هەرێمێ ڕەوشا ئابووری دێ گەش بیت و ئاریشەیا مووچەی ژی
نامینیت.
بەحسا وێیەکێ ژیکر،
پارەیێ داهاتێ پەتڕۆلا هەرێمێ ژی شەفاف دبیت و دزی تێدا ناهێتەکرن.
ئەڤە د دەمەکێ دایە،
هەر ئەڤرۆ موعین کازمی ئەندامێ لژنەیا دارایی ل پەرلەمانێ عێراقێ بۆ دجیتال
میدیایا ئێن ئاڕ تی ڕاگەهاند، ئەو لهەڤهاتنا دگەل هەرێمێ هاتیە کرن ب وی جۆری کو
هەرێم رۆژانە ب کۆژمێ ٤٠٠ هزار بەرمیلێن هەناردەکرنێ بکەت و داهاتێ وێ بئێخیتە هەژمارەکا بەنکی کو ل ژێر چاڤدێریا
حکومەتا ناڤەندی بیت و ل دیڤ وی داهاتی ژی پشکا هەرێمێ ب ١٢.٦%ێ دیارکریی یە.
بەحسا وێیەکێ ژیکر، ل
گۆرەی زانیاریێن هەرێمێ رۆژانە ٦٥٠ هزار بەرمیلێن پەتڕۆلێ هەناردە دکەت ژبلی
داهاتێ خالێن سنوری و داهاتێ باج و پێتڤیە داهاتێن هەرێمێ ل دەڤ بەغدا زەلال بن
ژبوی وییەکێ هەردوو باوەریێ ب ئێک و دوو بکەن و لهەڤتێگەهشتن دروست دبیت.
ل ١٣ی ئادارا ٢٠٢٣ێ
جڤاتا وەزیرێن عێراقێ پرۆژەیاسایا بودجەیێ سالێن ٢٠٢٣ێ و ٢٠٢٤ێ و ٢٠٢٥ێ پەسەندکر و
بۆ پەرلەمانی هنارت و بۆ ئەڤ سالە ژی ١٠٤ ترلیۆن و ٥٥٢ ملیۆن و ٩١٩ هزار و ٦٣
دۆلارە و بهایێ هەر بەرمیلەکا پەتڕۆلێ ژی ب ٧٠ دۆلاران هاتیە خەملاندن و هەر
دۆلارەک ژی ب هزار و ٣٠٠ دیناران هاتیە دیارکرن.