PM:04:33:19/03/2023
18244 جار خوێندراوەتەوە
+
-
سەقاناسی و عەردهەژزانا هەرێمێ ڕاگەهاند،
رۆژا سێشەمبی بەرواری ٢١ی ٣ی ٢٠٢٣ێ، کو دکەتە ئێکەم رۆژا نەورۆزێ سەقا جێگر
نابیت، دبێژیت ژی، "ئەسمانێ هەرێمێ عەور دبیت و سەقا سار دبیت و باران بارینا
دەم کورت دێ باریت دگەل دروستبوونا بریسیان".
رێڤەبەریا گشتی یا سەقاناسی و عەردهەژزانا
هەرێمێ ڕاگەهاندنەک بەلاڤکر و تێدا هاتیە، ژبەر نەجێگریا سەقایی کو بۆ دەمێ چەند
رۆژان ئەڤ نەجێگریە د سەقایی دا بەردەوام دبیت دگەل رۆژێن دووشەمبی و سێشەمبی و چارشەمبی
یا ئەڤێ حەفتیێ سەقایێ دەڤەرێن مە ب ڤی ئاوای دبیت:
رۆژا دووشەمبی، ب درێژیا رۆژێ ئەسمانێ هەرێمێ
نیڤ عەور و عەورێن تەمام دبیت و پێشبینیێن باران بارینێ د دەمێن پشتی نیڤرۆدا
هەنە.
دبێژیت ژی، ئاستێ دابارینێ هویرباران بۆ
بارانا ناڤنجی دبیت و پێشبینیێن دابارینێ د دەمێن پشتی نیڤرۆ دا بسەر دەڤەرێن
چیایی و نیڤ چیایی و سەنتەرێ پارێزگەهان دگەل دروستبوونا بریسیان دهێتەکرن و باران
بارین ب ئاوایێ دەم کورت دێ باریت.
بەحسا وێیەکێ ژیکر، رۆژا سێشەمبی ئێکەم رۆژا
نەورۆزێ ژ ئەنجامێ بەردەوامیا وی سەقایێ نەجێگر لسەر دەڤەران ئەسمانێ هەرێمێ عەور
دبیت و کێمەکێ دێ سەرمابیت.
بەحسا وێیەکێ ژیکر، دەمێ بارا بارنێ ل
دەڤەرێن چیایی ل پتریا دەمان باران بارینا کورت خایەن هەیە، ب گشتی دەمێ دابارینێ
دکەڤیتە پشتی نیڤرۆ لسەر هەمی دەڤەرێن هەرێمێ دگەل نزمبوونا پلەیێن گەرمێ و
ئەگەرێن بارینا گژلوکێ و دروستبوونا بریسیان.
هەڤدەم، دەربارەی سەقایێ چارشەمبی ژی کو
دبیتە رۆژا دووێ یا نەورۆزێ سەقاناسی دبێژیت، نە سەقامگێریا سەقایێ دەڤەرێ
بەردەوام دبیت. ئەسمانێ هەرێمێ عەور و نیڤ عەور دبیت و پێشبینی دهێتەکرن دابارین
کێمتر ببیت هەڤبەر ب رۆژێن بەرێتر و ئەگەرێن باران بارینا زێدەتر لسەر بەشەک ژ
دەڤەرێن چیایی دبیت.
ل داویا ڕاگەهاندنێ ژی دیارکریە، ژبەر وێیەکێ
کو سەقا نەجێگر دبیت وان چەند رۆژان، پێلەکا عەور و بریسیان ل دەمێ دابارینێ هەیە
بسەر دەڤەرێ دا، هەر ژبەر هندێ سەقاناسی هوشداریێ ددەتە وەلاتیان دوربکەڤن ژ
دەڤەرێن بلند و دەڤەرێن چیایی بۆ سەلامەتی و خۆپاراستنێ د دەمێن عەور و بریسیان
دا.