PM:03:46:19/03/2023
848 جار خوێندراوەتەوە
+
-
ئەندامەکێ لیژنەیا دارایی ل پەرلەمانێ عێراقێ ڕاگەهاند،
داکەتنا بهایێ پەترۆلێ دەمکی یە و کارتێکرن لسەر بودجەیێ عێراقێ نابیت.
جەمال کۆچەر ئەندامێ لیژنەیا دارایی ل پەرلەمانێ
عێراقێ ڕاگەهاند، داهاتێ عێراقێ ب رێژەیا ٩٥٪ پشت ب پەترۆلێ گرێددەت، لێ داکەتنا بهایێ
پەترۆلێ دەمییە و گرێدایە ب هندەک رەوشان ڤە و کارتێکرن لسەر بودجەی نینە.
ئاماژە ب وێ ژی دایە، نەشێن ب تنێ ب داکەتنا بهایێ
پەترۆلێ بۆ چەند رۆژان بڕیارێ لسەر ژێدەرێن پەترۆلیێن عێراقێ بدەن، ژبەرکو بودجە وەکی
رێژەیەکا سالانە هژمار بۆ دهێتەکرن نەکو ب تنێ چەند رۆژان، ب وێ چەندێ ئەگەرێ بلندبوونا
پەترۆلێ هەیە ل دەما ئێک دوو مەهێن داهاتیدا.
ئەڤەژی د دەمەکێدایە، پرۆژەیاسایێ بودجەی، بهایێ
بەرمیلەکێ پەترۆلێ ب ٧٠ دۆلاران دیار کریە و د چەند رۆژێن دەربازبووی دا بهایێ ئێک
بەرمیلێ پەترۆلێ بۆ ژێر ٧٠ دۆلاران داکەت لێ ئەڤرۆ بلندبوون بخۆڤە دیتیە و ب زێدەتری
٧٣ دۆلاران بازار پێ هاتەکرن.