PM:09:12:18/03/2023
644 جار خوێندراوەتەوە
+
-
شێورمەندەکێ ئابووری یێ سەرۆکوەزیرێن عێراقێ
دوو سەدەمێن سەرەکی یێن داکەتنا بهایێ پەتڕۆلێ د جیهانێ دا دەستنیشانکرن و دبێژیت،
داکەتنا بهایێ پەتڕۆلێ ڕەنگە کورتئینانا بودجەی بۆ ئاستەکێ پێڤانەی بلند بکەت.
مەزهەر محەمەد سالح، شێورمەندەکێ ئابووریێ
سەرۆکوەزیرێن عێراقێ ڕاگەهاند، دوو سەدەمێن سەرەکی بۆ داکەتنا بهایێ پەترۆلێ هەنە،
ئێک پاشڤەچوونا ئابووریا بلند ل وەلاێن پێشەسازی دا، هەروەسا هەڕفینا بەنکی کو
رۆژئاڤا پێ کارتێکەر دبیت، گەشەیا ئابووری سست دکەت و خواستێ لسەر پەتڕۆلێ کێم
دکەت.
دەربارەی سەدەمێ دووێ ئەو شێورمەندە بەحسا
وێیەکێ دکەت، فیدڕاسیۆنا روسیا وەکی ئالیەکێ شەڕی دگەل رۆژئاڤا دەستپێکریە ب
بازارکرنا پەتڕۆلێ خۆ بۆ بازارێن هندستانێ و چین و ئاسیا؛ ب ٢٠ دۆلاران کێمتر د
بهایێ پەتڕۆلا جیهانێ دا، کو ئەو ژی جۆرەکە ژ شەڕی بهایێ نەهاتیە ڕاگەهاندن.
مەزهەر محەمەد ئاماژە ب وێیەکێ ژیکر، داکەتنا
بهایێ پەتڕۆلێ کارتێکرن دبیت لسەر کورتئینانا بودجەیێ عێراقێ و کورتئینانێ
بەرفرەھتر دکەت، کو د نها دا ب نێزیکی ٦٣ ترلیۆن دیناران دهێتە خەملاندن.
گوتژی، نها هەمی رەشنڤیسێ بودجەی ل پێشیا
مێزێ جڤاتا وەزیرانە، کو ئەرکێن وان پێکدهێن ژ لبەرچاڤگرتنا مەزاختیان ل پێشیا داهاتێ
نەچاڤەرێکری و پێش یاسایێ دانە.
حەفتیا دەربازبووی، حکومەتا عێراقێ
پرۆژەیاسایا بودجەیی پەسەندکر و ئێڤاریا رۆژا پێنجشەمبی بۆ پەرلەمانی هنارت، بودجە
ژی ب ١٩٨ ترلیۆن دیناران هاتیە خەملاندن و کورتئینان ژی ب ٦٣ ترلیۆن دیناران و ژ
کۆما بهایێ هەر بەرمیلەکا پەتڕۆلێ ژی ب ٧٠ دۆلاران دیارکریە.