PM:05:29:18/03/2023
1644 جار خوێندراوەتەوە
+
-
دەستەیا سەقاناسی و عەردهەژزانا عێراقێ
ڕاگەهاند، هاڤینا داهاتی یا هشک نابیت و باران بارین د مەهێن داهاتی دا دێ
بەردەوام بن، دبێژیت ژی، "ل چەند رۆژێن دەربازبووی دا ل هەرێمێ ١٠٤ ملم باران
بارینە و ئەگەر هەنە بارانا زێدەتر بباریت".
عامر جابری، سەرۆکێ دەستەیا سەقاناسی و
عەردهەژزانا عێراقێ بۆ ئاژانسا نووچەیێن عێراقێ ڕاگەهاند، سەقایێ هاڤینا داهاتی یێ
هشک نابیت لێ پلەیێن گەرمێ نێزیک دبن ل تۆمارێن هاڤینا بەریا نها.
ئاماژە ب وێیەکێ ژیکر، سالا ٢٠٢١ێ بەرچاڤ
روونی هەبوو دەربارەی وێیەکێ کو هاڤینا وێ سالێ دێ هشک بیت ژبەر کێمیا باران
بارینێ ل ئەڤ سالە بارانەکا باش باری یە و ب تایبەتی ژی دەڤەرێن باکور و رۆژهەلات
و هاڤینا ئەڤ سالە یا هشک نابیت.
بەحسا وێیەکێ ژیکر، دەڤەرێن هەرێمێ باران
بارینەکا زۆر ب خۆڤە دیتیە و ل چەند رۆژێن دەربازبووی دا ١٠٤ ملم باران ل هەرێمێ
بارینە و د مەها ئادارێ ژی دا باران بارین و گوهۆرینا سەقای دێ بەردەوام بیت.
ئەڤە ژی د دەمەکێ دایە، ل سالا ٢٠٢١ێ ژبەر
کێمیا باران بارینێ ل عێراقێ هشکەسالی روویدا و بەشەک ژ سەقاناسان ژی هایداری دان
دەربارەی مەترسیا ب بیابانبوونێ ل عێراقێ.