PM:05:15:18/03/2023
1512 جار خوێندراوەتەوە
+
-
پشتی گڤاشتنا نیڤدەولەتی و رازیبوونا پارتێن
دەستهەلاتدارێ لسەر ئەنجامدانا هەلبژارتنان گەرمترین پرسا دناڤ ئالیێن سیاسی یێن هەرێمێ
دا سەرهلدای دابینكرنا كورسیێن كوتایانە، جڤاکا ئێزدیان ژی دەست ب لڤینان کر و
داخازا پێنج کورسیێن پەرلەمانی دکەن.
سەعید جردوو، سەرۆكێ دەستەیا بلندا بنگەهێ
لالش یا ئێزدیان د كۆنفرانسەكێ رۆژنامەڤانی دا ڕاگەهاند، ئەو داخازێ ژ هەمی ئالیان
دكەن كورسیێن كوتا بۆ وان بهێنە دابینكرن و ماددەیێ 140 ژی نەهێتە ژ بیكرن ژبەركو
سیستەمێ بازنەی و ڤەقەتیانا دەڤەرێن ئێزدیان دێ زیانێ گەهینیتە دەنگێن وان و دبیت
دەنگێن پێتڤی ب دەستڤە نە ئینن.
دیارژیکر، دادگەها فیدڕالی بەریا نها بڕیار
دابوو ئێزدی ژ هەژی پێنج کورسیانە د پەرلەمانێ عێراقێ دا لێ ب مەرجێ وێیەکێ ئامارا
گشتی بهێتە ئەنجامدان لێ ئەو دخازن ئالیێن کوردی دەست پێشخەربن د دیارکرنا کورسیێن
ئێزدیان دا.
ئەڤە د دەمەکێ دایە، ئێزدیان هەیا نها چ وەك
ئاین و چ وەك پێکهاتە چ کۆتا د پەرلەمانێ کوردستانێ دا نینن و بگوتنا وان پێدڤیە مافێ
ئێزدیان ژی مینا هەر پێکهاتە و ئاینێن دی یێن کوردستان بهێتە دیارکرن .
هەڤدەم، جڤاکا ئێزدیان خۆ ب ماف خورای دزانن
و وەکی دیار دکەن، کو ئێزدی هاتینە پشتگوهـ هاڤتێن د بڕیارێن سیاسی و نەتەوەی دا ل
هەرێمێ ژبەر ڤێ ئێکێ دخوازن د پەرلەمانێ نووییهەرێمێ دا نوینەرێن خۆ هەبن.
هەروەسا، پشتی سەرهلدانا سالا ١٩٩١ ێ و دامەزراندنا
پەرمانێ کوردستانێ ل سالا ١٩٩٢ مافێ پێکهاتەیان هاتیە دیارکرن لێ ئێزدیان هەیا نها
ژ وێ مافێ هاتینە بێ بە بەهرکرن و چ کۆتا بۆ وان نەهاتینە دانان ڤێ یەکێ ژی نەرازیبوونا
جڤاکێ ئێزدیان ل دیڤ خۆ ئینایە.