PM:09:49:17/03/2023
920 جار خوێندراوەتەوە
+
-
سەرۆک کۆمارێ تورکیا پێشوازی
ژ سەرۆکێ فینلاند کر و ب ئەندامبوونا ولاتێ وی د ناتۆیێ دا قەبولکر و داخاز ژ پەرلەمانی
کر رێکارێن پەسەندکرنا وی ولاتی دەستپێبکەن.
رەجەب تەیب ئەردۆغان سەرۆک
کۆمارێ تورکیا، ب ئەندامبوونا فینلاند ل ناتۆ پەسەندکر و بڕیاردا داخازا جێبەجێکرنا
مەرجێن تورکیا ژ ئالیێ فینلاند ل پەرلەمانێ ولاتێ وان دەست ب رێکارێن پەسەندکرنێ بکەت
بۆ ب ئەندامبوونا فینلاند ژ ناتۆیێ.
هەڤدەم، سەرۆکێ فینلاند
پێشوازی ژ بڕیارا ئەردۆغانی کریە و ئاماژە ب وێ کریە، د قۆناغەک و جهەکێ جیۆپۆلەتیکیێ
گەلەک مەترسیدار دا دژین و ئەو بابەتە بەری بهێنڤەدانا پەرلەمانێ تورکیا د هاڤینێ دا
ئێک ئالی دبیت.
ژ ئالیەکێ دی ئەردۆغانی
دۆسیەیا هەردوو ولاتێن سوید و فینلاند جوداکرینە و ب ئەندامبوونا سوید قەبول ناکەت
ئەو ژی ب گۆتنا ئەردۆغانی سەدەمێ وێ بۆ پشتەڤانیکرنا سوید بۆ هێزێن چەکدارێن دژی
تورکیا ڤەدگەیێت و ئەگەر وەسا نەبیت جوداهی د ناڤبەرا وان دوو ولاتان دا ناکەن.
داخازا ب ئەندامبوونێ ژ
رێکخراوا باکورا ئەتلەسی ناتۆ ژ ئالیێ سوید و فینلاند، تورکیا مافێ ڤیتۆیێ ژ دەستپێکرنا
رێکارێن ب ئەندامبوونا هەردوو ولاتان د وێ رێکخراوێ دا پێشکێشکر، ئەوژی بوویە سەدەمێ
پاشخستنا دەستپێکا ب ئەندامبوونا وان ولاتان.