PM:08:34:17/03/2023
1184 جار خوێندراوەتەوە
+
-
ب تۆهمەتا ئەنجامدانا
شەری، دادگەها نێڤدەولەتیا تاوانان فەرمانا دەستەسەرکرنێ بۆ سەرۆکێ روسیا ب تۆهمەتا
پێشێلکاریا مافێ زارۆکان بۆ کۆمیسارا مافێن زارۆکان ل ئۆفیسا سەرۆکێ فیدراسیۆنا
روسیا دەرێخست.
ئەڤرۆ ئەینی، دادگەها
لاهای ب تۆهمەتا ئەنجامدانا تاوانا شەری و دیپۆرتکرن و ڤەگوهاستنا نەیاساییا زارۆکان
ل ئۆکرانیا بۆ روسیا فەرمانا دەستەسەرکرنێ بۆ ڤلادیمیر پوتینێ سەرۆکێ روسیا دەرێخست .
وێ دادگەهێ بەحسا وێ ژی کریە، دادوەران بەری
وێ دادگەهکرنێ هەلسەنگاندن کریە و بڕیار دایە پوتین بەرپرسیارێ وێ تاوانکاریا شەریە
و تاکە کەسە کو دەست ب شەرێ دناڤبەرا روسیا و ئۆکرانیا دا کری.
هەڤدەم، وێ دادگەهێ فەرمانا
دەستەسەرکرنێ بۆ ماریا ئەلێکسیڤنا کۆمیسارا مافێن زارۆکان ژ ئۆفیسا سەرۆکێ فیدراسیۆنا
روسیا ب تۆهمەتا ڤەگوهاستنا زارۆکێن ئۆکرانی دەرکر.
ئەڤەژی د دەمەکێدایە، شەرێ
روسیا و ئۆکرانیا بەرەڤ سالا دوویێ دچیت و د وی دەمی ژی دا چەندین جاران ئۆکرانیا
و جڤاکا نێڤدەولەتی روسیا و ڤلادیمیر پوتین ب ئەنجامدەرێ تاوانا شەری تۆهمەتبار
کریە.