PM:05:25:17/03/2023
8924 جار خوێندراوەتەوە
+
-
هەسەدێ ڕاگەهاند، ئەو
هێلیکۆپتەرا ل هەرێما کوردستانێ کەفتی یا هێزێن وان یێن دژە تیرۆرێ بوویە و نەهـ ئەندامێن
وان ژیانا خۆ ژ دەستدانە کو ئێک ژ وان فەرمانداربوویە.
د راگەهاندنەکێ دا ناڤەندا
ڕاگەهاندنا هێزێن سوریایا دیموکرات هەسەدێ دیارکر، ئەو هێلیکۆپتەرا ل ئێڤاریا رۆژا
15ێ ڤێ مەهێ ل سنورێ پارێزگەها دهۆکێ کەفتی ب ڕێڤەبوون کو بچنە سلێمانیێ ب مەرەما
مەشق و راهێنانان و هێزێن رۆژئاڤا یێن دژە تیرۆرێ تێدابوونە و دوو هێلیکۆپتەربوونە
و ئێک کەفتیەخار.
دبێژیت ژی، هێزێن وان
د کڤانێ شەڕێ داعشێ دا ڤیایە بچنە سلێمانیێ، داکو مەشق و ئەزموونا سەربازی و ئەولەهیێ
وەربگرن.
گوت ژی، هێلیکۆپتەر ژبەر
خرابیا ڕەوشا سەقای کەفتیە و 9 شەرڤانێن دژە تیرۆرا وان تێدابوونە کو ئێک ژ وان فەرماندارێ
یەکینەیێن دژە تیرۆری بخۆ بوویە بناڤێ شەرڤان کۆبانێ و ژیانا خۆ ژدەستدایە.
د داویێ دا ژی، داخاز
ژ بەرپرسێن هەرێما کوردستانێ کریە هەڤکار بن ژبۆ دووبارە ڕادەستکرن و ڤەگەراندنا تەرمێن
وان شەرڤانان ژبۆ رۆژئاڤایێ کوردستانێ.