PM:07:59:14/03/2023
856 جار خوێندراوەتەوە
+
-
ڕێکخراوا ئۆپیک ڕاگەهاند، پێشبینیێ دکەت ب
سەدەمێ هەلگرتنا ڕێکارێن تایبەت ب کۆڤید -١٩ ل وەلاتێ چین، خاستا وی وەلاتی لسەر
پەتڕۆلێ زێدەبیت.
ڕێکخراوا ئۆپیک د ڕاپۆرتا مەهانە یا خۆ دا
ئاماژە ب وێیەکێ کر، ل سالا ٢٠٢٣ێ خاستا جیهانێ بۆ پەتڕۆلێ ٢.٣ ملیۆن بەرمیلێن
پەتڕۆلێ نە د رۆژەکێ دا و ئەڤەژی هەڤبەر ب سالا دەربازبووی گەشەیەکا وەسا نینە.
دبێژیت ژی، هەلگرتنا ڕێکارێن وەلاتێ چین دێ
بیتە پشتەڤانیەکا مەزن بۆ زێدەبوونا خاستێ لسەر پەتڕۆلێ.
د وێ ڕاپۆرتێ دا ئۆپیک پێشبینیێ دکەت، خاستا
چین ل ٥٩٠ هزار بەرمیلێن رۆژانە بۆ ٧١٠ هزار بەرمیلان بلند ببیت.
د وێ ڕاپۆرتێ دا زێدەبوونا بەرهەمئینانا
پەتڕۆلا خاڤا ئۆپیک د مەها شوباتێ دا دەرکەفتیە، ب ئاوایەکی بەرهەمئینانا پەتڕۆلا
خاڤ ل مەها شوباتێ ١١٧ هزار بەرمیلان د رۆژەکێ دا زێدەکریە و گەهشتیە ٢٨ ملیۆن و
٩٢ هزار بەرمیلان.