PM:08:45:08/03/2023
1464 جار خوێندراوەتەوە
+
-
فەڕەنسا و ئەلمانیا و بەریتانیا ڕاگەهاندن، ئەگەر
ئیران ب بڕیارێن ئاژانسا نێڤدەولەتیا ئەنەرژیێ پێگیرنەبیت سزایا توندا وی ولاتی
ددەن. دبێژن ژی، "ئاخڤتنێن ئیرانێ دەربارەی پیتاندنا یۆرانیۆمێ جهێ باوەریێ
نینە".
د ڕاگەهاندنەکا هەڤبەشدا وان سێ ولاتان بەحسا
وێیەکێ ژی کریە، گەشەیا بەردەواما بەرنامەیێ ئەتۆمیێ ئیرانێ پرسەکا جدییە و چاڤەڕێ
دکەن ئەو ولات ب زویترین دەم خالێن لهەڤهاتنێ دگەل ئاژانسا ئەتۆم جێبەجێبکەت.
بەحسا وێیەکێ ژی کریە، چ هێجەت نینە بۆ
پیتاندنا یۆرانیۆمی ژ ئالیێ ئیرانێ ڤە و ئەو پێنگاڤ ژی ئیرانێ نێزیک دکەت ژ
ئەنجامدانا چالاکیەکا راست بۆ دەستگەهشتن ب چەکێ ئەتۆمی.
ئەویەک ژی بەرچاڤکریە، بەرنامەیێ ئەتۆمیێ
ئیرانێ و خاستا وێ ژ پیتاندنا یۆرانیۆمی کو بخۆ ب ئاشتی بناڤدکەت گەفەکا مەزن و
زەلالە لسەر وێ دەڤەرێ و ئاسایشا جیهانێ و پێتڤیە ئیران پێگری لهەڤهاتنان بیت.