PM:04:00:08/03/2023
1008 جار خوێندراوەتەوە
+
-
پشتی گڤاشتنێن نێڤدەولەتی سەرۆکێ فراکسیۆنێن
پارتی و یەکێتی د کۆنفراسنەکا نووچەیی دا ڕاگەهاند، د جڤینا ئەڤرۆ دا لسەر سەرڕاستکرنا
یاسایا هەلبژارتنان لهەڤهاتین.
پشتی جڤینا سازیا هەلبژارتنێن پارتی و
یەکێتی، د کۆنگرەیەکێ نووچەی دا هەردوو سەرۆکێن فراکسیۆنێن پارتی و یەکێتی ل
پەرلەمانێ هەرێمێ ڕاگەهاند، وان بڕیاردایە پرۆژەیەکێ نیشتیمانی بۆ ئەنجامدانا
هەلبژارتنێ و جڤین دگەل پێکهاتەیان دروستبکەن و لسەر سەرڕاستکرنا یاسایا
هەلبژارتنان لهەڤهاتینە.
ئاماژە ب وێیەکێ ژی کر، جڤین د ناڤبەرا
هەردوو ئالیان دێ بەردەوام بن هەیا کو یاسایەکا باش بۆ هەلبژارتنان دابڕێژن کو
لهەڤهاتنا نیشتیمانی لسەر بیت هەیا کو هەلبژارتنەکا پاقژو بێ گەرد دەمێ دیاریکریێ خۆ دا بڕێڤەبچیت.
بەحسا وێیەکێ ژی کر، بۆ هەلبژارتنا داهاتی
تۆامارا دەنگدەرێن بەرێ یێ پەرلەمانێ عێراقێ بکاردئینن و ئەڤ تۆمارا نوی چ ئاریشە
نینە.
لسەر پرسا پێکهاتەیان
زیاد جەبار سەرۆکێ فراکسیۆنا یەکێتی ل پەرلەمانێ دەم بسەرڤەچوویێ هەرێمێ راگەهاند،
دگەل پارتی لهەڤهاتینە کو ب هەڤبەشی دگەل پێکهاتەیاندا بجڤن مافێن وان بپارێزن.
ئەڤەژی پشتی وێ دهێت، دڤیا ل مەها ١٠یا سالا بۆری هەلبژارتنێن
پەرلەمانێ هەرێمێ بڕیڤە چوبانە لێ یەکێتی و پارتی ب زۆرینەیا دەنگان و ب نەیاسایی ژیێ
پەرلەمانی درێژکر و ڤەلڤینا نەوەی نوێ ژی هەر وی دەمی فراکسیۆنا خۆ ل پەرەمانی ڤەکشاند
و راگەهاند، بەشەک نابن ژ پەرلەمانەکێ نەیاسایی؛ پشتی پاشکەفتنا هەلبژارتنان ژی جڤاکا
نێڤدەولەتی دەست ب گڤاشتنان کر ژ دەستهەلاتدارێن هەورێمێ بۆ ئەنجامدانا هەلبژارتنان.