AM:11:41:08/03/2023
884 جار خوێندراوەتەوە
+
-
وەزیرا دەرڤەی ئەلمانیا
ڕگەهاند، پرۆسەیا هەلبژارتنێ پرسەکا دیموکراسییە و مەرجە ل هەرێمێ بهێتە ئەنجامدان
و د نهادا ئاسانکاریێن گرنگ هەنە بۆ لهەڤهاتنا بەغدا و هەرێمێ و دشێن مفای ژ بلندییا
بهایێ پەترۆلێ ببینن.
ئەڤرۆ چارشەمبی مەسرور
بازرانی سەرۆکێ حکومەتا دەم بسەرڤەچوویا هەرێمێ و ئالینا بێربۆک وەزیرا دەرڤەی ئەلمانیا
جڤیان و بەحس ژ پرسێن هەڤبەشێن کەرتێ وزەی و سەربازی کرن.
پشتی جڤینێ ئالینا بێربۆک
وەزیرا دەرڤەی ئەلمانیا راگەهاند، هەلبژارتن پرسەکا دیموکراتییە و مەرجە بهێتە ئەنجامدان،
ئەو نەشێن دەستێەردانێ د کاروبارێن ناڤخۆییا
هەرێمێ بکەن، لێ پشتەڤانیێ ژ ئەنجامدانا هەلبژارتنێ
دکەن.
ئاماژە ب وێ ژی دا، د نهادا
بهایێ پەترۆلێ بلندە و ئەڤەژی ئاسانکارییەکا باش دبیت بۆ لهەڤهاتنا هەرێم و بەغدا
و ئەوژی پشتەڤانیێ ژ ڤێ لهەڤهاتنێ دکەن.
ئەویەک ژی بەرچاڤکر،
گرنگە هەماهەنگیا ئابوری دناڤبەرا هەرێم و ئەلمانیا دا هەڤبەر ب دەما دەربازبووی زێدەتر بکەن ب تایبەتی
ژ کەرتێ هەڤبەشێ وزەی، ژبەرکو ئەلمانیا پێتڤی ب گازێ هەیە.
ئەڤەژی پشتی وێ دهێت، دوهی
وەزیرا دەرڤەی ئەلمانیا سەرەدانا بەغدا کر و دگەل چەند بەرپرسێن بالندێن حکومەتا عێراقێ جڤیا و ئەڤرۆژی ب سەرەدانەکا فەرمی
گەهشتە هەولێرێ.
بڕیاربوو ل مەها تشرینا
ئێکێ یا سالا بۆری هەلبژارتن ل هەرێمێ بهێنە ئەنجامدان، لێ ب سەدەمێ لهەڤنەهاتنا ئالیان
تانها ئەنجامدانا هەلبژارتنێ هاتیە پاشخست.