بافل تالەبانی سەرۆکێ یەکێتی
نشتمانیا کوردستانێ ئاماژە ب وێ ژی دا، ٣٢ سالان بەریا نها خەلکێ کوردستانێ دەست ب
هەرفاندنا خرابترین رژێم کر کو هەمی دونیا لێ دترسیان ب تنێ خەلکێ کوردستانێ نەبیت،
دبێژیت ژی، "د ڤان سالان دا مە گەلەک بلندی و نەڤیاتی دیتینە."
سەرۆکێ یەکێتی بەحسا
وێ ژی کر، ب ڤێ رەوشێ رازی نینە و ئەڤرۆ ل رانییە بەرهەڤە هەیاکو داخازا لێبۆرینێ ژ
خەلکێ هەرێمێ بکەت .
دەربارێ حکومەتا دەم
بسەرڤە چوویا هەرێمێ ئاماژە ب وێ دا، حکومەتێ غەدرەکا زۆر ژ وەلاتیان کریە و وەکی پێتڤی
رێزا وێ خوینێ نەگرتیە یاکو رژیای.
بافل تالەبانی د ئاخفتنێن
خۆدا پەیامەک ئاڕاستەی حیزبێن کر و گۆت، "من پەیامەک هەیە بۆ هەمی حیزبێن
کوردستانێ، چەوا ل ڤێرێ ئاگرێ ڕاپەڕینا عێراقێ و ڕۆژهەلاتا ناڤەڕاست گۆڕی، دا ئەڤرۆ
بکەینە بیاڤەک و دەستێ ئاشتیێ درێژ بکەین بۆ هەمی حیزبان و مە نەڤێت هەرێمێ بکەینە
بەش هەرێم یا مەیە و وە خویناخۆ بۆڕژاند و مە دادپەروەری دڤێت".
ئەڤەژی د دەمەکێدایە، ئەڤرۆ
سالڤىگەرا ٣٢ سالیا راپەڕینا خەلکێ دەڤەرا رانییەیە و د وێ رۆژێ دا حکومەتا بەرێ
یا عێراقێ ل دەڤەرێ دەرێخستن.