PM:12:01:05/03/2023
1092 جار خوێندراوەتەوە
+
-
ب سەدەمێ بن ئاڤبوونا
بەلەمەکا کۆچبەران ل بەرئاڤێن لیبیا کو بەرەڤ ئیتالیا دچوون ١٦ کەسان ژیانا خۆ ژ
دەستدان کو شەش ژ وان ئەندامێن ئێک خێزانن و خەلکێن رۆژئاڤایێ کوردستانێ نە.
ئەڤرۆ ئێکشەمبی، بەلەمەکا
کۆچبەران کو زۆربەیا وان وەلاتیێن سوری بوون ل بەرئاڤێن لیبیا نقوم بوو و ب وێ
سەدەمێ ١٦ کەسان ژیانا خۆ ژ دەستدان، لگور زانیاریان بەلەمەکا بچیک بوویە و ٢٥ کۆچبەر
هەلگرتبوون و ب ژڤان بوون بچنە ئیتالیا.
لگور زانیاریێن میدیایێن
جیهانی، ١٠ کەس ژ وان یێن ژیانا خۆ ژ دەستدانە خەلکێ باژێرێ کۆبانێ رۆژئاڤایێ
کوردستانێ نە و شەش کەس ئەندامێن خێزانەکێ بوونە و سێ کەسێن دی ژی خەلکێ باژێرێ عەفرینن
و سێ یێن دی ژی خەلکێ پارێزگەهێن جودایێن سوریا نە.
ل دەمێ بن ئاڤبوونا بەلەما
وان، کۆچبەران بزاڤکرینە ژ وێ بەلەما بچیک بچنە ناڤا بەلەمەکا مەزن کو ب ئاڕاستەیێ
ئیتالیا چوویە و ئەو بەلەمە بن ئاڤ بوویە و کۆچبەر خەندقینە و پشتی گەهشتنا هێزێن دهەوار
چوونا دەریایی شەش کەس ژ سەرنشینێن وێ بەلەمێ هاتنە ڕزگارکرن.