PM:10:45:03/03/2023
440 جار خوێندراوەتەوە
+
-
ب سەدەما تەقینا بۆڕییەکا پەتڕۆلێ ل باشورێ نەیجیریا ١٢ کەسان ژیانا
خۆ ژ دەستدان. پۆلیس ژی دبێژن، "ب سەدەمێ وان درزان بوویە کو د وێ بۆریێ دا
دروستبووینە ئەو ژی ژبەر وێیەکێ ڤیایە پەتڕۆلێ د وێ بۆریێ دا بدزن".
پۆلیسێن باشورێ نەیجیریا ڕاگەهاند، ئەو تەقین ل باژێڕێ رومورکبی ل
دەڤەرا ئیموها روویدایە .
گریس ئیرینگ کوکو، پەیڤدارێ پۆلیسان د ڕاگەهاندنەکێ دا بەحسا وێیەکێ
کر، ئەویێن ژیانا خۆ ژ دەستداین بۆ مەرەما دزینا پەتڕۆلا خاڤ ل وێرێ بووینە، لێ
ژبەر بەلاڤبوونا ئاگری وێ تەقینێ روویدایە.
هەڤدەم، پەیڤدارێ پۆلیسێن وێ دەڤەرێ هایداری دا ژ چوونە سەر بۆریێن
پەتڕۆلێ و بزاڤکرن بۆ دزیکرنێ.
نەیجیریا مەزنترین وەلاتێ بەرهەمئینانا پەتڕۆلێ یە ل ئەفریقیا و د
دەمێ چەند سالێن بووریدا سەدان کەس ل لاگۆس و دەڤەرێن باشور کو ب پەتڕۆلێ دەولەمەندن
ژیانا خۆ ژ دەستداینە.