PM:05:27:02/03/2023
1112 جار خوێندراوەتەوە
+
-
بڕیارە ئەڤرۆ جارەکا دی شەش پارتێن ئوپزوسیونێن تورکیا
بجڤن بۆگوتوبێژکرنێ لسەر بەربژێرێ هەڤبەش بۆ هەڤڕکی کرنا رەجەب تەیب ئەردوغان
سەروکێ نها یێ وی وەلاتی د هەلبژارتنێن سەروک کوماری دا.
بریارە ئەڤرۆ هەر ئێک ژ کڵچدارئۆغڵو
سەرۆکێ جەهەپە، مەرال ئاکشەنەر سەرۆکا ئیی پارتی، ئەحمەد داودئۆغڵو سەرۆکێ پارتا
ئایندە، عەلی باباجان سەرۆکێ پارتا دێڤا، تەمەل کارامۆڵڵائۆغڵو سەرۆکێ پارتا
سەعادەت و گولتەکین ئویساڵ، سەرۆکێ پارتا دیموکرات بجڤن و جڤین ژی تایبەتە ب دیار
کرنا بەربژێرێ ئۆپۆزسیونێ بۆ پوستێ سەروک کومارێ تورکیا.
دەربارەی
جڤینا ئەڤرۆ، ئەکرەم ئیمامئۆغڵو، سەروکێ باژێرڤانیا ئیستانبولێ کو ئەو بخو ژی سەر
ب پارتیا جەهەپێ یە، دبێژیت، بەربژێرێ وان شەش پارتان هەر کەسەک بیت، هەمی دێ بزاڤێن
سەرئێخستنا وی دەن و دێ کەنە سەروک کومار.
ئەڤە د
دەمەکێ دا یە، بریارە رۆژا ١٥ نیسانا ئەڤ سالە هەلبژارتنا سەروکاتیا کومارا تورکیا
برێڤە بچیت و لدویف ڕاپرسیان ئالیێن ئۆپوزسیونێن
تورکیا د هەلبژارتنان دا دێ سەرکەفتنێ ب دەست خوڤە ئینن.