PM:10:40:01/03/2023
968 جار خوێندراوەتەوە
+
-
شێورمەندێ نڤیسینگەها سەرۆکاتیا ئۆکرانیا ڕاگەهاند، وەلاتێ وان هێرشی
سەر ئاخا روسیا نەکریە و د شەڕێ دناڤبەرا وان ژی دا بتنێ بەرەڤانیێ ژ ئاخا خۆ دکەت
نەکو هێرشی سەر ئاخا وەلاتێن دی دکەت.
میخائیل پۆدۆلیاک، شێورمەندێ نڤیسنگەها سەرۆکاتیا ئۆکرانیا د تۆیتەکێ
دا ئاماژە ب وێیەکێ کریە، د شەڕێ روسیا دا وەلاتێ وان بتنێ بەرەڤانی ژ خۆ و ئاخا
خۆ دکەت و هێرشێ ناکەتە سەر ئاخا روسیا.
بەریا نها ژی، وەزارەتا بەرەڤانیا روسیا بەلاڤکریە، ئۆکرانیا ب
بکارئینانا بالەفڕێن بێ بالەفڕڤان ل دەڤەرێن کراسنۆدار و کۆماریا ئادیگیا ژێرخانا
مەدەنی کریە ئارمانج و پشتڕە ئێخستنا خارێ یا دوو بالەفڕێن وان ڕاگەهاندیە.
ل دەما گەهشتنا هاریکاریێن سەربازی یێن ئەمریکا و وەلاتێن رۆژئاڤا
روسیا ئاماژە ب وێیەکێ کربوو، ئەو هاریکاریە دێ بنە ئەگەرێ مەترسیێ بۆ سەر ئاخا
وان و ئۆکرانیا ب بکارئینانا وان هاریکاریان دخوازیت ژێرخانا روسیا بکەتە ئارمانج
و ئۆکرانیا ژی ڕەتکریە چ خواستەک هەبیت بۆ هێرشکرنا سەر روسیا.
ئەڤە ژی د دەمەکێ دایە، شەڕێ دناڤبەرا روسیا و ئۆکرانیا دا دەربازی
سالا دووێ بوو و ئەمریکا و وەلاتێن رۆژئاڤاژی تەکەز ل ئێکپارچەیی و سەروەریا ئاخا
ئۆکرانیا دکەن.