PM:07:16:28/02/2023
848 جار خوێندراوەتەوە
+
-
دەستەیا بلندا
هویربینیا فەرەنسا ڕاگەهاند، سالا بووری زێدەتری ٦٣٠ ملیۆن یۆرۆ بۆ مێهڤانداریکرنا
نێزیکی ١١٥ هزار پەنابەرێن ئۆکرانی خەرج کرینه کو ب سەدەما شەڕێ د ناڤبەرا ئۆکرانیا
و روسیا دا رەڤیبوون.
دەستەیا بلندا
هویربینیا فەرەنسا "کۆر دی کۆمپتیس" د نویترین راپۆرتا خۆ دا ئاماژە ب
هندێ دایە، پەنابەرێن ئۆکرانی ل دویف بەرنامەیا "پاراستنا تایبەت" ل
سالا ٢٠٢٢ێ د رەوشەکا باش دا داناینه.
ل دویف بەرنامەی،
دەستێ پەنابەرێن ئۆکرانی د گەهیتە وان مافان کو بەریا نها نەدابوونە پەنابەرێن دی،
وەکی، شیانێن کارکرنێ د وەلاتی دا و بەردەستکرنا خزمەتگوزاریێن ساخلەمیێ و هنارتنا
زارۆکێن وان بۆ قوتابخانەیان و خزمەتگوزاریێن بلەزێن دی.
ل دویف وێ راپۆرتێ،
خەرجیا وی بەرنامەی گەهشتیە ٦٣٤ ملیۆن یۆرۆیان، پتریا وان پارەیان بۆ ئاکنجیکرنا پەنابەران
هاتینە خەرج کرن، ب ئاوایەکێ کو ٢٥٠ ملیۆن یۆرۆ بۆ ئاکنجیکرنێ و ٢٢٠ ملیۆن یۆرۆ ژی
داینە پەنابەران.
ئاماژه ب هندێ
ژی دایە، پاریس بۆ هەر پەنابەرەکێ ئوکرانی دوو جاران هندی پەنابەرێن ئاسایی یێن دی
پارە خەرج کرینە، ب ئاوایەکێ بۆ ئاکنجیکرنا ئۆکرانیان رۆژانە بۆ ئێک کەس ٣٨ یۆرۆ دڤێن،
پەنابەرێن دی پتر ژ ١٨ یۆرۆیان دڤێن.
د بەشەکێ دی یێ
راپۆرتێ دا، بەرپرسێن هویربینیێ داخاز ژ
حکومەتێ کرییە بەردەوامبن ژ پشتەڤانیکرنا وان وەلاتیێن ئاسایی کو پەنابەر ل مالێن
خۆ وەرگرتینە.
ئەڤە د دەمەکی
دایە، حەفتیا بووری وەزارەتا ئاکنجیبوونا فەرەنسا بۆ ئاژانسا نووچەیێن فرانس پرێس
گوت، د نها دا پاریس مەهانە نێزیکی ٨٠٠
هزار یۆرۆیان خەرج دکەت بۆ پشتەڤانیکرن ل ٩٠٠ مالان کو خوبەخشانە مێهڤانداری ل پەنابەرێن
ئۆکرانی کرینە.
دبێژیت ژی، چ
گرەنتیەک نینە ل سەر هندێ کو ئەڤ پشتەڤانیە دێ د پاشەرۆژێ دا بەردەوام بیت یان نە.