AM:08:56:23/02/2023
600 جار خوێندراوەتەوە
+
-
شێورمەندەکێ دارایی یێ سەرۆک وەزیرێن عێراقێ
پێشبینی کر، تێچوویا پرۆژەیاسایا بودجەیێ ئەڤ سالە دناڤبەرا ١٨٠ بۆ ٢٠٠ ترلیۆن
دینار دا بیت و د نها دا بەنکا ناڤەندی بزاڤێن چالاککرنا چەند بازرگانیێن دەرەکی
ددەت بۆ گەشەکرنا بەنکێن عێراقێ.
مەزهەر محەمەد سالح، شێورمەندێ دارایی یێ
سەرۆک وەزیرێن عێراقێ بۆ میدیایێن ناڤخۆی ڕاگەهاند، ل سالا دەربازبووی ١٤٥ ترلیۆن دینار
ب رێکا جێبەجێکرنا بنەمایێن ١٢/١ی بودجەیێ سالا ٢٠٢١ێ مەزاختبوون و د ئەڤ سالە دا
پێشبینیا وێیەکێ دهێتەکرن تێچوویا بودجەی دناڤبەرا ١٨٠ بۆ ٢٠٠ ترلیۆن دیناران
دابیت.
دەربارەی چاکسازیێن ئابووری ئاماژە ب وێیەکێ
ژیکریە، پاکێجەکێ دی یێ ئاسانکاریان کو ژ ئالیێ بەنکا ناڤەندیا عێراقێ ڤە
دابینکریە پێکدهێت ژ رێکخستنا دارایی یا بازرگانیا دەرەکیا عێراقێ لسەر بناغێ نووی
و ئەڤە ژی ئێکەم جارە کو یەدەگێ بەنکاناڤەندیا عێراقێ ب جۆرە بازرگانیەکێ پەیوەندیێ ب وێ ناڤەندێ ڤە هەبیت یان
ژی بتنێ ب دراڤێ دۆلاری ڤە گرێدابیت.
بەحسا وێیەکێ ژیکر، گەنجینەیا بەنکا ناڤەندی هەمەڕەنگە
و ژ دراڤێ یۆریۆ و یوانێ چینی و یەنێ ژاپۆنی و پاوەندێ بەریتانی و چەندین دراڤێن
دی پێکهاتیە و پلانا رێکخستنا دارایی یا بازرگانیا دەرەکی دگەل چینێ ب ئاوایەکێ
ڕاستەوخۆ و ب دراڤێ یوان ئێکەم پێنگاڤا رێکخراوەی کو کەرتێ بازرگانیا عێراقێ ب
هەماهەنگی یا یەدەگی ڤە گرێددەت و ب وێ رێکێ بازرگانیا عێراقێ دشێت بەنکێن عێراقێ
ل چینی گەش بکەنە ڤە.