سەرنووچە:

یۆنیسێف: ب سەدەما عەردهەژا تورکیا و سوریا هەشت ملیۆن زارۆک د مەترسیێ دانە

PM:02:03:20/02/2023

748 جار خوێندراوەتەوە

+ -

ڕێکخراوا یۆنسێف ڕاگەهاند، ب سەدەما عەردهەژا تورکیا و سوریا ژیانا هەشت ملیۆن زارۆکان د مەترسیێ دایە و نەشێن ئاڤا پاقژ بۆ ڤەخارنێ ب دەست خۆ ب ئێخن.

محەمەد ئەلهەواری نوینەرێ ڕێکخراوا یۆنسێف د ڕاگەهاندنەکێ دا بۆ میدیایان ئاماژە ب وێیەکێ کر، ژیانا ٤.٥ ملیۆن زارۆکان ل تورکیا و ل سوریا ژی ٢.٥ ملیۆنان د مەترسیێ دایە.

لگۆڕ ڕاگەهاندنا یۆنسێف، ب سەدەمێ عەردهەژێ ل تورکیا و سوریا رەوشا خێزان و زارۆکێن وان باش نییە و د دەمەکی دا نەشێن ئاڤا پاقژ یا ڤەخارنێ ب دەست بکەڤیت کو ئەڤە ژی دبیتە سەدەمێ مەترسیا تووشبوونا وان ب چەندین ڤایرۆسێن وەک کولێرا.

د نها دا تیمێن هەوار هاتنێ ل تورکیا و سوریا مژیلی رەوشا پشتی رزگارکرنا وەلاتیانن و بزاڤێن بەرهنگاربوونا مەترسیان دکەن.

ل ٦ێ شوباتێ عەردهەژەکێ ب گوڕا ٧.٨ پلەیان دەڤەرێن سنوریێ د ناڤبەرا تورکیا و سوریا هەژاند و ب وێ سەدەمێ زێدەتری ٤١ هزار کەسان ژیانا خۆ ژ دەستدان و ب سەدان هزار کەس ژی برینداربوون.

گەلەری