AM:10:52:15/02/2023
304 جار خوێندراوەتەوە
+
-
ل ئێک ژ پارێزگەهێن باکورێ کوردستانێ و پشتی
مانێ بۆ دەمێ ٢١٢ دەمژمێران دبن داروبەرێن ئاڤا هیەکێ هەرفی دا، ژنەکا ٧٧ سالی هاتە
ڕزگارکرن و پشترا بۆ نەخۆشخانێ ڤەگوهاستیە.
پشتی کو ل ٦ ێ ڤێ مەهێ عەردهەژەکێ ب گۆرێ ٧.٨ پلەیان دەڤەرێن سنووریێن دناڤبەرا
تورکیا و سوریا و بەشەکێ باکور و رۆژئاڤایێ کوردستانێ هژاندی، هەیا نها ژی تیمێن هەوارهاتنێ
بەردەوامن ژ بزاڤێن خۆ بۆ رزگارکرنا وان کەسێن دبن دار و بەرێن ئاڤاهیێن هەرفیدا
مانە.
نویترین چیرۆکا ڕزگارکرنێ ژی چیرۆکا ژنەکا ٧٧
سالیە ل پارێزگەها سەمسورا باکورێ کوردستانێ کو ب ئادیەمان بەرنیاسە، کو ٢١٢ دەمژمێران
دبن داروبەرێن مالا خۆیا هەرفیدا مایە و کەس دگەلدا نەبوویە.
ئەو ژنە پشتی ڕزگارکرنێ گەهاندیە نەخۆشخانێ و ب
کەسوکارێن خۆ شادبوویە.
ل ٦ـێ شوباتا ئەڤسالە عەردهەژەک ب گوڕێ ٧.٨ پلەیا
رێختەر دەڤەرێن سنووریێن دناڤبەرا تورکیا و سوریا و بەشەکێ باکور و رۆژئاڤایێ
کوردستانێ هژاند و ل هەرێما کوردستانێ ژی هەست پێهاتەکرن.
