PM:12:06:14/02/2023
720 جار خوێندراوەتەوە
+
-
ژمارەیا ژیان ژ دەستدانێ ب سەدەمێ وێ عەردهەژا ل
٦ێ ڤێ مەهێ ل دەڤەرێن سنوریێن تورکیا و سوریا روویدای ٣٧ هزار کەس دەربازکرن و رێکخراوێن
جیهانیێن مرۆڤی ژی بەردەوامن ژ گەهاندنا هەڤکاریان بۆ زەرەر پێکەفتیان.
رێڤەبەرێ بەرهنگاربوونا کارەسات و د هەوارچوونا
تورکیا ڕاگەهاند، هەیا نها ٣١ هزار و ٦٤٣ کەسان بسەدەمێ عەردهەژا ٦ێ مەهێ ژیانا خۆ ژ دەستدانە. لگور داخویانیێن رێکخراوا دهەوارچوونا
کلاڤێن سپی ل سوریا ژی، سێ هزار و ٧٠٠ کەسان ژیانا خۆ ژ دەستدانە و ژمارەیا برینداران
ژی ١٤ هزار و ٧٥٠ کەس دەرباز کرینە.
دەربارێ هەڤکاریان ژی وەزارەتا دەرڤەیا تورکیا ئەشکراکر،
نەھ هزار و ٢٤٧ کەسێن بیانی پشکدارن ژ کارکرنێ بۆ رزگارکررنا وان کەسێن ل ژێر دار
و بەرێن ئاڤاهیاندا مانە و ١٠٠ ولاتان ژی هەڤکاری
پێشکشی تورکیا کرینە و ل ٨٠ ولاتێن جودا تیمێن هەڤکاریێ بۆ هنارتینە.
ژ ئالیێ خۆڤەژی، ئەنتۆنی گۆتێرێس، سکرتێرێ گشتیێ
نەتەوەیێن هەڤگرتی ئاماژە ب وێ دا، بەشار ئەسەد سەرۆکێ سوریا رەزامەندی دەربڕییە بۆ
ڤەکرنا دوو دەرازینکێن سنووریێن دی د ناڤبەرا تورکیا و باکورێ رۆژئاڤایێ سوریادا بۆ
دەمێ سێ مەهان، بۆ گەهاندنا هەڤکاریێن مرۆڤی ب وان کەسێن کو ب سەدەمێ وێ عەردهەژێ
زەرەر پێگەهشتینە.
ل ٦ێ شوباتا ئەڤسالە عەردهەژەکێ ب گوڕێ ٧.٨ پلەیێن
رێختەر چەند دەڤەرێن سنورێ دناڤبەرا تورکیا و سوریادا هژاندن و ل هەرێمێ ژی هەست پێ هاتەکرن.