AM:09:48:13/02/2023
664 جار خوێندراوەتەوە
+
-
ل باژێرۆکێ ئانتاکیایا یێ سەر ب پارێزگەها هاتای
ل باشوورێ توركیا زارۆکەکا ١١ سالی پشتی مانا وێ بۆ دەمێ ١٦٠ دەمژمێران ل ژێر دارو
بەرێن ئاڤاهەکێ هەرفیێ وێ عەردهەژا کو بنگەهێ وێ پارێزگەها مەڕەش بوو هاتە ڕزگارکرن.
پشتی وان عەردهەژێن کو دەڤەرێن دەریایا ناڤەڕاست،
باشوورێ رۆژهەلات و رۆژهەلاتا ئانادۆلو و باکور و رۆژئاڤایێ کوردستانێ و سوریا هژاندین،
کارێن گەڕیان و ڕزگارکرنێ بەردەوامن.
تیمان، ئەرکێ گەڕیان و ڕزگارکرنێ ئەنجامدا ل ژێر
داروبەرێن ئاڤاهیێ ئۆزگور ل باژێرۆکێ ئانتاکیا- یێ ناڤەند کو ب سەدەمێ عەردهەژێ هەرفی
بوون.
د ئەنجامێ کارەکێ زۆر و هووردا شیان زارۆکەکا ١١
سالی ب ناڤێ لینا ماردینی پشتی ١٦٠ دەمژمێران مانێ ڕزگار بکەن.
ئەو زارۆک، پشتی دەرێخستنێ دبن داروبەرێن وی
ئاڤاهیێ هەرفیدا رەوانەی نەخۆشخانێ هاتە کرن.
ل رۆژا ٦ی ڤێ مەهێ دوو عەردهەژێن بێهز کو یا ئێکێ
ب هێزا ٧.٨ پلە و یا دووێ ٧.٥ پلەیا رێختەر ل باکور و رۆژئاڤایێ کوردستانێ و تورکیا
و سوریا روویدا و ل هەرێما کوردستانێ ژی ب تایبەتی ئیدارا زاخۆ و پارێزگەها دهۆکێ
هەست پێ هاتەکرن، پشتڕە چەندین عەردهەژێن دی یێن ئێک ل دیڤ ئێک روویدان لێ بهێزا کێمتر
ژ پێنج پلەیێن رێختەر روویدان.