PM:02:10:10/02/2023
776 جار خوێندراوەتەوە
+
-
فەرمانگەها بوویەرێن ژنشکەکێ ڤە و کارەساتێن
تورکیا ڕاگەهاند، ژمارەیا ژیان ژ دەستدانا عەردهەژا تورکیا گەهشتیە زێدەتری ١٨ هزار
کەسان و ژمارەیا برینداران ژی تا نها ل ٧٤ هزار کەسان زێدەترە.
ئەڤرۆ ئەینی، فەرمانگەها بوویەرێن ژ نشکەکی ڤە
و کارەساتێن تورکیا ( ئافاد ) نویترین ئامارا ژیان ژدەستدان و برینداربوویێن بوویەرا
عەردهەژێ بەلاڤکرن و دناڤدا هاتیە، ژمارەیا وان کەسێن ب سەدەمێ عەردهەژێ ژیاناخۆ ژ
دەستدانە بۆ ١٨ هزار و ٣٤٢ کەسان بلندبوویە.
ئەویەک ژی بەرچاڤکریە، ژمارەیا برینداران بۆ ٧٤
هزار و ٢٤٢ کەسان بلندبوویە.
هەر لگور ئامارا ئافادا تورکیا، تا نها هزار و
٥٠٩ عەردهەژێن دی ل دەڤەرێ روویدانە و ٧٥ هزار و ٧٨٠ کەس ژی رزگارکرینە.
ژ ئالیێ خۆڤەژی، وەزیرێ ژینگەها تورکیا ئاشکرا
کر، باژێرێ غازی عەنتاب زۆرترین زەرەرێن عەرد هەژێ بەرکەفتینە.
دەربارێ ئامارێن ژیان ژدەستدان و بریندارێن
سوریا ژی، روانەگەها سوری بۆ مافێن مرۆڤی بەلاکریە، ژمارەیا وان کەسێن ب سەدەما عەردهەژێ
ژیاناخۆ ژ دەستدانە بۆ چار هزار کەسان بلند بوویە و ژمارەیا برینداران ژی گەهشتیە
پێنج هزار و ٢٤٥ کەسان.
ل رۆژا ٦ی ڤێ مەهێ دوو عەردهەژێن بێهز کو یا ئێکێ
ب هێزا ٧.٨ پلە و یا دووێ ٧.٥ پلەیا رێختەر ل باکور و رۆژئاڤایێ کوردستانێ و تورکیا
و سوریا روویدا و ل هەرێما کوردستانێ ژی ب تایبەتی ئیدارا زاخۆ و پارێزگەها دهۆکێ
هەست پێ هاتەکرن، پشتڕە چەندین عەردهەژێن دی یێن ئێک ل دیڤ ئێک روویدان لێ بهێزا کێمتر
ژ پێنج پلەیێن رێختەر روویدان.