AM:09:50:10/02/2023
1512 جار خوێندراوەتەوە
+
-
ڤەکۆلەرەکێ بیاڤێ کارەساتان وێنەیەکێ دەڤەرێن
تورکیا بەلاڤکریە کو عەردهەژێ کارتێکرن لسەر هەبوویە و چەوانیا گۆهڕینان د زەڤیێ
دا ل وان دەڤەران نیشان ددەت.
ئەندرێس شافەر، زانایەکێ ئەلمانیێ بیاڤێ کارەساتانە
د هژمارا تایبەتا خۆدا ل تویتەری دوو وێنەیێن هەمان دەڤەرا تورکیا پێش و پاش بوویەرا
عەردهەژێ بەلاڤکرینە کو ل ئەسمانی گرتینە و تێدا چەوانیا رادەیێ زیانان و گۆهرینان
نیشانددەت دگەل گوهرینا شێوەیێ وێ زەڤیا عەرهەژ تێدا روویدای.
هەردوو وێنە ل دەڤەرا نورداغ یا سەرب پارێزگەها
غازی عەنتاب هاتینەگرتن کو دکەڤیتە باشورێ تورکیا و ئێکە ژ کارەساتبارترین دەڤەرێن
وێ عەردهەژێ ب وی کو زۆرترین زەرەر بەرکەفتینە و هەرفین و خرابوونەکا بەرچاڤ د
وێنەیاندا دهێتە دیتن ب ئاوایوکی ئەو هەرفینە ب سێ تا چار مەتران د بارێ ئاسۆیی دا
دهێتە دانان.
زانایێن بیاڤێ عەردهەژزانێ ل دەما بۆری راگەهاندبوو،
ئەو عەرد هەژا ل تورکیا روویدای گۆهرینەکا بەرچاڤ د چینا تەکتۆنیا زەڤیێ دا لدیڤ
خۆ دئینیت و مەودایا سێ مەتران د لڤینیت ب گۆتنا وان ئەو عەردهەژە ب گوڕێ ٧.٨ پلەیێن
ریختەر بوویە.