PM:03:08:08/02/2023
556 جار خوێندراوەتەوە
+
-
ل باژێرۆکەکێ باکورێ
سوریا تیمێن هەوارهاتنێ زارۆکەکا شنی ژدایکبووی ل ژێر ئاڤاهیەکێ هەرفی دا ئینادەر کو
ل دەمێ هەرفینا وی ئاڤاهی ژ دایکبوویە و ناڤکا وی هەر ب دایکا وی ڤە بوو.
لگور وان زانیاریێن
بدەست میدیایان کەفتین، ئەو زارۆکە کچ بوویە و پشتی هەرفینا ئاڤاهیێ وان ب سەدەمێ
عەرد هەژێ، ژ دایکبوویە و دەمێ هێزێن هەوارهاتنێ رزگار کری هێشتا ناڤکا وێ
نەهاتبوو برین و ب دایکا وێ ڤەبوو.
لگور ڤەگێرانێن
میدیایی، خێزانا وێ زارۆکێ ژ دایک و باب و چار برایان پێکهاتبوون نەشیاینە وەکی وێ
زارۆکا ساڤا رزگار ببن و ل ژێر ئاڤاهیێ مالا خۆدا ژیانا خۆ ژ دەستداینە.
بەرێ سپێدا دوهی دووشەمبی، دەمژمێر ٤:١٧ خولەک ب گوڕا ٧.٨ پلەیا رێختەر و ب کویراتیا ٧ کیلۆمەتران ل تورکیا عەردهەژیا و چەقێ عەردهەژێ ل پارێزگەها مەڕەش بوو، کو پشتڕە عەردهەژێن دی ژی ب گوڕا ٧.٥ پلەیێا رێختەر روویدا و کارتێکرنا وێ سوریا و بەشەک ژ رۆژئاڤایێ کوردستانێ ڤەگرت ل هەرێما کوردستانێ ژی هەست پێ هاتەکرن.