AM:09:14:08/02/2023
908 جار خوێندراوەتەوە
+
-
ژمارەیا ژیان
ژدەستدانا وان کەسێن ب سەدەمێ عەردهەژا تورکیا و سوریا بریندار بوون و ل ژێر دارو
بەرێن ئاڤاهیان دا مابوون بۆ هەشت هزار کەسان بلندبوو.
پشتی کو ل دوو رۆژێن
دەربازبووی سێ عەردهەژان ب گوڕێن جودا دەڤەرێن سنورێ تورکیا و سوریا هژاندی ئەڤرۆ
ژمارەیا ژیان ژ دەستدانێ گەهشتە هەشت هزار و ٤٠٠ کەسان و ٣٧ هزار و ٣٦٤ کەس ژی بریدار
بوونە.
فواد ئۆکتای جێگرێ سەرۆک
کۆمارێ تورکیا راگەهاند، هەیا نها پێنج هزار و ٨٩٤ کەسان ل تورکیا ژیانا خۆ
ژدەستدانە و ٣٤ هزار و ٨١٠ کەس ژی بریندارن و هەشت هزار کەس ژی هاتینە رزگارکرن زێدەتر
ژ پێنج هزار و ٧٧٥ ئاڤاهی ژی هەرفینە. گۆتژی، "ئەو ئامارە ئامارێن داویێ نینە."
هەڤدەم روانگەها سووری
بۆ مافێن مرۆڤی ئەو یەک بەرچاڤکر، دوو هزار و ٥٠٠ کەسان ل سوریا ب سەدەمێ عەردهەژێ
ژیانا خۆ ژدەستدانە و دوو هزار و ٥٥٤ کەس ژی بریندارن.
رێکخراوا یونیسێف ژی بەحسا
وێ دکەت، ب سەدەمێ عەرد هەژێ ب هزاران زارۆکان ژیانا خۆ ژ دەستدانە و ژیانا ملیۆنەک
و ٤٠٠ هزار زارۆکان ژی د مەترسیێ دایە.
ل دوو رۆژێن بۆری سێ عەرد
هەژان کو ژ هەمیان بهێزتر ب گورێ ٧.٨ پلەیێن رێختەر بوو دەڤەرێن سنوریێن دناڤبەرا
تورکیا و سوریا و رۆژئاڤا و باکورێ کوردستانێ دا هژاند و ل هەرێما کوردستانێ ژی هەستی
پێ هاتەکرن.