AM:11:43:23/01/2023
3176 جار خوێندراوەتەوە
+
-
بریارە ئەڤرۆ دووشەمبی، ئەو چار کەسێن کو ب
کوشتنا پێنج وەلاتیێن دهۆکێ توهمەتبارن بهێنە دادگەهکرن.
میدیایێن تورکیا بەلاڤکرن، ئەڤرۆ دبن رێکار و
چاڤدێرێن توندێن ئەولەهیێ دا ئەو چارکەسێن کو ب کوشتنا پێنج وەلاتیێن دهۆکێ تۆهمەتبارن
بۆ دادگەها وی باژێری هاتینە ڤەگوهاستن و دهێنە دادگەهکرن.
دوهی پەیڤدارێ پۆلیسێن دهۆکێ وێنەیێ وی کەسێ کو توهمەتبارێ سەرەکیە ب کوشتنا پێنج وەلاتیێن دھوکێ بەلاڤکر و گۆت، وی کەسی دەمێ چەند سالان ل دهۆکێ وەک
خزمەتگۆزار کارکریە.
هەر لگور زانیاریان، وی توهمەتباری، ھەیاما پێنج سالان ل کومەلگەھا ئەڤروستی یا باژێرێ دهۆکێ کارکرییە و جیرانێ وان قوربانیان بوویە.
پێشتر، میدیایێن تورکیا بەلاڤکرن کو تۆهمەتباران
بۆ پارەی ئەڤ کارە ئەنجامدایە و چاڤدێریا وێ خێزانا کورد کریە، زانیە دێ سەردانا
باژێرێ مێردینێ کەن، تۆهمەتبار چەند ڕۆژان مۆهلەتێ لسەر کارێ خۆ وەردگریت و ب مەرەما
کوشتنا وان دچیتە مێردینێ.
بەرێ سپێدەهیا پێنجشەمبیا حەفتیا بۆری، پێنج وەلاتیین
پارێزگەها دهۆکێ کو ئەندامێن ئێک خێزان بوون ب مەرەما سەردانێ و وەرگرتنا چارەسەریێ
چوو بوونە باکوورێ کوردستانێ لێ لسەر رێکا ماردین کۆمەکا چەکداران هێرشکرە سەر وان
و د ئەنجامدا هەر پێنج هاتنە کوشتن، هەر رۆژا دیڤدا پۆلیسێن تورکیا چار کەس ب وێ
تۆهمەتێ دەستەسەرکرن.