AM:08:40:20/01/2023
720 جار خوێندراوەتەوە
+
-
لگور زانیاریێن نووچەگەهانێ ئێن ئاڕ تی، بەرێ
سپێدەهیا ئەڤرۆ ئەینی تەرمێ وان پێنج کەسێن کو ل باکورێ کوردستانێ د هێرشەکا چەکداریدا
هاتنە کوشتن ل رێکا دەرازینکا ئیبراهیم خەلیل هاتینە ڤەگەراندن بۆ هەرێمێ و پشتی
دەمەکێ دی دێ هێنە ڤەشارتن.
تائیف گۆران نووچەگەهانێ ئێن ئاڕ تی دادیارکرن،
قوربانیێن وێ بوویەرێ ژ دوو بنەمالەیێن جودانە و تەرمێ دوو ژ وان دێ ل ناحیا شیلادزێ
سەر ب قەزا ئامێدیێ هێنە ڤەشارتن.
ئەویەک ژی بەرچاڤکر، تەرمێ سێ ژ قوربانیێن دی دێ
ل کۆمەلگەها باگێرا سەر ب ناحیا زاویتە هەر ل پارێزگەها دهۆکێ هێنە ڤەشارتن و د نها
دا ل مزگەفتا غوفران یا دهۆکێ نڤێژ لسەر دهێتە کرن.
بەرێ سپێدەهیا دوهی پێنجشەمبی، پێنج وەلاتیین
پارێزگەها دهۆکێ کو ئەندامێن ئێک خێزان بوون ب مەرەما سەردانێ و وەرگرتنا چارەسەریێ
چوو بوونە باکوورێ کوردستانێ لێ لسەر رێکا ماردین کۆمەکا چەکداران هێرشکرە سەر وان
و د ئەنجامدا هەر پێنج دهێنە کوشتن و پۆلیسێن ماردین چار کەس لسەر وێ بوویەرێ دەستەسەرکرن.