AM:11:29:14/01/2023
3232 جار خوێندراوەتەوە
+
-
وەزیرێ بەرێ یێ پیشەسازی و کانزیێن عێراقێ ڕاگەهاند،
ئابوریا عێراقێ د پێشیا رەوشەکا مەترسیدار دایە، ئەڤەژی ددەمەکیدایە دوو بهایێن
جودا بۆ دۆلاری د بازار و بانکاندا هەنە.
محەمەد سالح دراجی وەزیرێ بەرێ یێ پیشەسازی و
کانزایێن عێراقێ ئاماژە ب وێ کریە، بهایێ دۆلاری پێتڤی ب گرتنەبەرا رێکارێن گونجای
هەیە بۆکو کۆنترۆلا بهایێ وان بهێتەکرن. گۆتژی، داکەتنا بهایێ دیناری کارتێکرنێ لسەر
چینا هەژارێن جڤاکێ دانایە.
بەحسا وێ ژی کر، دوو بهایێن جودا بۆ دۆلاری
هەنە ئێک ژ بانکا ناڤەندی و یا دی ژی د
بازاری دا ئەڤەژی ئاماژەیە بۆ رەوشەکا مەترسیدار د ئابوریا عێراقێ دا.
ل دەما بۆری ژی محەمەد زیادی ئەندام پەرلەمانێ عێراقێ
بەحسا وێ کر بوو، فرۆتنا پەترۆلێ ب دۆلارێ ئەمریکی چ دەرئەنجامەک نابیت.
ئەڤەژی د دەمەکیدایە، بانکا ناڤەندیا عێراقی ل
دەما حەفتیا بۆری ژ رۆژا ئێکشەمبی تا پێنجشەمبیێ کۆژمێ ٣٦٠ ملیۆن و ٩٤٥ هزار و ٧٧٤
دۆلار فرۆتیە، کو رۆژانە کۆژمێ ٧٢ ملیۆن و ١٨٩ هزار و ١٥٤ دۆلاربوونە و ٢٩.٥٢٪ کێمتربوویە
ژ حەفتیا پێشتر.
هەڤدەم، فرۆتن لسەرشێوەیێ دراڤێ نەختینەیی و شاندنێ
ب مەرەما بازرگانیێ بوویە، ئەڤەژی د دەمەکیدایە بهایێ فرۆتنا وی دۆلارێ هاتیە
ڤەگوهاستن بۆ سەر هژمارا بانکێ ژ دەرڤە بۆ هەر دۆلارەکی هزار و ٤٦٠ دینار بوویە.