AM:09:40:11/01/2023
3620 جار خوێندراوەتەوە
+
-
بلندبوونا بهایێ پیڤازێ
ل ولاتێ فلیپین بوویە سەدەمێ وێ کو دەستهەلاتدارێن چاندنا وی ولاتی رابگەهینن کو پێتڤی
ب هاوردەکرنا نێزیکی ٢٢ هزار تەنان دبیت تا مەها ئادارێ، بۆ تەمامکرنا کێمبوونا پێتڤیێن
ناڤخۆیی و رێگریکرن ژ بلندبوونێ، ب سەدەمێ وێ ژی خەلکێ وی ولاتی قاچاخچێتیێ ب پیڤازان
دکەن.
لگور نووچەیەکا
رووپەلێ" ctvnews "،
کیلۆیەکا پیڤازێن سۆر و سپی ب (١٠.٨٨ دۆلاران) دهێتە فرۆتن، د دەمەکیدا بهایێ کیلۆیەکا
گۆشتێ مریشکێ ب ٤ دۆلارایە.
ژبەر وێ سەدەمی ژی،
گرانیا پیڤازێ بوویە سەدەمێ وێ کو ب قاچاخ دئیننە ناڤا وی ولاتی.
لگور ئاژانسا نووچەیا
فلیپین کو سەر ب دەولەتێ یە ڕاگەهاندیە، ئەفسەرێن گومرگی یێن فلیپین دەست بسەر بارەکێ
پیڤازێن سپیدا گرتیە ب بهایێ ٣١٠ هزار دۆلاران کو دناڤ بارەکێ جلوبەرگاندا هاتبوو
ڤەشارتن، دوو ڕۆژان پێشتر ژی، بارەکێ پیڤازێن سۆرێن چینی ب بهایێ ٣٦٤ هزار دۆلاران
کو دناڤ سندوقا شریناهیان دا هاتبوو ڤەشارتن، ژ ئالیێ گومرکێ ڤە دەست بسەردا هاتیە
گرتن.
"شێرڤین وین"
ئەندامێ جڤاتا پیران یێ وی ولاتی داخازا دروستکرنا هێزەکێ بۆ بەرهنگاربوونا قاچاخچێتیێ
ب پیڤازێ د وی ولاتی دا كریە.