AM:09:27:11/12/2022
680 جار خوێندراوەتەوە
+
-
ڤەکۆلینەکا نووی یا زانکۆیا لیدزی ئاماژە ب
گرنگیا نانێ سپێدێ کریە کو پێتڤیە نەهێتە پشت گوهڤە هاڤێتن، دگەل وێیەکێ ژی
مفایەکێ دی بۆ زێدەکرنە ئەو ژی بۆ خواندەکاران گرنگە.
رۆپەلا ئیندیپێندنت یا بەریتانی ئاماژە ب
ڤەکۆلینێ کریە و تێدا هاتیە، زانایێن زانکۆیا لیدزیا بەریتانی پەیوەندی دناڤبەرا
خارنا سپێدێ و نمرەیێن خواندەکاران دیتیە و دەرکەفتیە، ئەو خواندەکارێن کو ب کێمی
نانێ سپێدێ دخۆن ب گشتی دوو نمرەیان کێمتر د ئەزمۆنێن گشتی یێن بەریتانیا دا ب
دەستڤە دئینن هەڤبەر ب وان یێن گرنگیێ ب نانێ سپێدێ نادەن.
د ڤەکۆلینێ دا ٢٩٤ خواندەکار بەشداربوون و زانیاری دەربارەی دانێن
خوارنێ ژێ وەرگرتن و هەڤبەرکرن ب نمرێن وان د ئەزمۆنێن گشتی یێن بەریتانیا دا.
هەرچەندە سەدەمێ ڕاستەوخۆیێ کارتێکرنا نانێ سپێدێ لسەر نمرەیا
ئەزمۆنان دیار نینە، لێ ڤەکۆلەر ڕادگەهینن کو ڤەکۆلین ب ئاوایەکێ روون دیار دکەن
پێتڤیە خواندەکار زێدەتر گرنگیێ ب خوارنا نانێ سپێدێ بدەن.