سەرنووچە:

بایێ ھزارا نانی ب دەین!

10/25/2020 11:46:04 AM
3814 جار خوێندراوەتەوە
دیار شکری
+ -

ھەڤالەکێ ڤەدگێرا کو یەک ژ نانپێژیێن ڤی باژێری دگوت:" ژنەک ھاتە دەف من و گوتە من بایێ ھزارەکێ نانی ب دەین ھەتا مووچە دھێت" ئێدی ئەم چاڤەرێی چ دی بین زێدەتر حالێ ڤی خەلکی دێ چ لێ ھێت دێ بەرەف کیڤە چیت ، ئەز بەحس ل خزمەتگوزاریا و پروژان ناکەم جارێ بەختێ خودێ خەلکێ برسی نەکن ئێدی کەسێن نورمال ژی خاز خازوکیێ بکەن.

ئێدی کون یا ژ پاتەیی مەزنتر لێ ھاتی دڤێت ھەر چ بیت چ چێبیت چەوابیت حکومەت و جھێن بەرپرسیار چارەکێ ل حالێ ڤی خەلکی بکەت ھوسا ناچیتە سەری.

یا من دڤێت بێژم فەرە بلەز ھندەک پێنگاڤ بھێنە ھاڤێتن ژبو ئاستێ ژیارا خەلکێ زێدەتر خراپتر نەبیت ، ژبو ئێدی کارەسات روینەدن مە ئاگەھ ژ چ نینە ژ ڤی حالێ نەخوەش دونیایەک کارەساتا رویددەن ژبلی چوونا گەنجان ژ بلی نەبینا قویتێ روژانە ژبلی دەرونی ئەڤ خەلکە موعیزتر لێ کری ئێدی کێشێن جڤاکی ژی زێدتر دبن ئێدی دزی و فێلبازی ژی دێ زێدەتر بیت ئێدی رەوشا خێزانێ ژی بەرەف ئاقارەک نەدیار دچیت.

ئەڤا کو دڤێت بھێتەکرن:

١-بلەز کاربھێت کرن ئێدی کەلوپەل ژ بھایێ خوە زێدەتر نەبن.

٢-ب رەنگەکێ دادپەروەر دەستێ کەسێن بێ حال بھێتەگرتن.

٣-چارەک ل موچێ خەلکێ بھێتەکرن کو مافێ وان یێ رەوایە.

٤-پێشینەیەک بھێتە دانان کو پارەکێ باش بیت وەک پشتەڤانی ب تایبەت بو تە خا گەنجان کو ب وی پارەیی ببت خودان کار و ل داھاتی وی پارەی بو حکومەتێ بزڤرینیتە ڤە وەکی (سلف).

٥-کێمکرنا باج و رسوماتێن ل سەر ھاولاتیان.

٦-بو موچەخوران مادەم پارە نینە بدەنە خەلکێ بلا پارێن ئاڤ و کارەب و ھەر باجەکا ھەبیت ژ پاشکەفتێ موچێ وی بھێتە برین.

گەلەک پێشنیار ھەنە لێ باوەرم ئەگەر بتنێ ئەڤ خالە بھێنە ب جھئینان ئێدی رەوشا خەلکێ ھەر چ نەبیت ب ئاوایەکێ دێ باشتر بیت.