سەرنووچە:

ھوین دێ کێ پیرۆز کەن؟

10/21/2020 9:30:23 PM
2099 جار خوێندراوەتەوە
ئەکرەم گولی
+ -

کیش سەرکردە

ھیچ سەرکردەیەک پیروز نینە، ل دیڤ خەلەتیێن وی دێ ڕەخنە لێ ھێتە گرتن و کەساتیا ھەرکەسەکی دھێتە ھەلسەنگاندن، دەستخوی ل باشیا و ڕەخنەگرتن ل خرابیا ، سەرکردە مەلائیکەت نینە توشی خەلەتیا نەبیت، کیژ سەرکردێ کورد ھەیە خەلەت بێ خەلەتی و بێ لاوازی؟ د بریاردا‌نا خوە دا کیش سەرکردە وەک پێغەمبەران ژ وەحیێ وەرگرتیە تاکو خەلەت نەبت؟ ، کیژ سەرکردە ھەیە دەستێ وی بخوینا ڤی گەلی سۆر نەبی بت ، کیش سەرکردە ھەیە شەرێ ناڤخوە نە خولاقاندبیت؟

کیش ئاخ

 ئەوا وە دەستێ جەدرمێن ترکا گرتی و ئیناینە و وێ کرێتکری ، یان ئەوا ژ بەر دەبابێت بەعسیا مایی و پاشی وە ئەڤ وە ھەتکاندی، یان یا پاسداران بن پێ کری و ل سەر داخازا وە داگیرکری، یان ئەو ئاخا وە ل سەر پشتاوێ جوبارێن خوینا گەنج و‌ھەژارێن ڤی وەلاتی بو خاترا پارە و سەروکاتی و‌حزباتیێ کرینە دەریایێن خۆینێ ، یان ئەو ئاخا وە ب داگیرکەرا فروتی ل ٣١ئاب و ١٦ ئوکتوبەرێ و شنگالێ و گەلەکێن دی.

کیش مێژوو

مێژویا شەرێ سەرکردایەتی و مەکتەب سیاسیا چایی و وی دەمی ، یان مێژوویا شورەش بەتالیێ، یان مێژویا شەرێ جود و جوقد، یان مێژویا شەرێ کورد کوژیێ، یان مێژویا شەرێ براکوژی و شەرێ ناڤخوە، یان مێژویا سەردەمێ داھێنانا سوتنا بارەگایێن حزبان، یان روژنامەڤان کوژیێ و کوشتنا دیموکراسیێ و دەنگێ ئازاد، یان مێژویا ھەلبژارتنێن ساختە و‌دیموکراسیا کارتونی، یان مێژوویا گەندەلیێ و‌دزی و‌پیسخۆریێ.

کیش پێشمەرگە

ئەو پێشمەرگێ کرێدار ‌و دەیندار، یان یێ بێ مووچە و بەریک ڤالا، یان یێ ھەرووژ ل سەر شاشا دکەت گری و ھەوار دکت بۆ پاریەک نانێ ژیانی، یان ئەو پێشمەرگێ ب مفلسی و ل سەر شارعی و پشتا پیکەمێن خەلکی و ب ھزار دلێت خەمگین دچن سەنگەرێن بێ نان و بێ ئاڤ و‌گەرما و سارما، یان یێ کرێدار و خودانێ خانی ھەرووژ دھێت بەر دەرگەھی، یان یێ ل واجبی پێ چێنەبیت جگارا بکڕیت و تنێ کارێ وی روندک و گری کو چ دمالێ دانینە و ژ کەربا رەزالەتیا وە ب سەری ئینای خوە دکوژیت ، یان‌یێ زاروکێ‌وی‌یێ بچیک بڤێت گەل باخڤیت نە تلەفونا مال کارت بەر ھەی نەیا وی ، یان یێ کچا‌وی دبێژیتێ باب بۆ من بیکەیێ بینە تژی چاڤان روندک دبن ژکیڤە پێنج ھزارا بینت و بو یدەت بیکەک؟!!

کیش سرود

مەوتەنینا قرالێن وە ل بەغدایێ ھەرووژ خوە بۆ د‌چەمینن چ‌کوردایەتیا خەلکێ دیتر ل بەغدا خیانەت بیت ، یان ئەی رەقیبا وە ل سەر بکوژێن شەرێ برا کوژیێ لێدای، یان وێ ئەی رەقیبا سەدان گەنجێن ڤی مللەتی خوە ل سەر شەھیدکری و پاشی وە ل شەڤێن سور و ل  سەر گەعدا و ب رەخ تەنشتا ‌کەزی زەرا ڤە ب پێکەکی دوبارە کری.

کیش ئالا

یێ ژ دەولەی سەرێ وە لبن سیبەرا وی ب ھزاران کورێن ڤی مللەتی داینە کوتن ، یان یێ ھوین ل بن سیبەرا وی بینە باندێن بازرگانی و‌بازرگانی ب خێر و بێرێن ڤی وەلاتی کری و ھەژار کرینە کویلێن برسی بۆ پاریەکێ نانی ھەرووژ سەد جارا بمرن، یان ئیسنایەک لبن سیبەرا وی ل بەرسینگێ وە ب رەقسیت و‌ھین تژی کەڤلێ وێ پارەبکن.

تنێ دبێژم

مێژویا ‌خوەیا قرێژ ب یاسایەکێ‌ناڤەشێرن، بکێر نەھاتیا نەشێن بھێلن دادگەھا مێژویێ وان دادگەهـ نەکەت، ئەو کرێتکرنا ل سەر سینگا ڤی نیشتیمانی ڤەشێرن و کەس وێ رەشاتیا جھێ سەیێن بیانییا نەبینت یا وەلێ کری ، کارەساتێن وە خولقاندی ب یاسایەکێ پیروز ناکن و بریارێن وێرانکەر ب یاسایەکێ قەدە غە نابیت.