سەرنووچە:

ژبۆی کو شنگالێ ژ دەستێ پەکەکێ بیننە دەر ڕادەستی بەغدا کر

10/11/2020 11:00:19 PM
1820 جار خوێندراوەتەوە
ئەکرەم گولی
+ -

رێکەفتنا ‌ھەرێمێ و بەغدا ل سەر شنگالێ تێدا تەنەزلێن مەزنێن پارتی کو بەرپرسا ئێکێ یا مەلەفێ شنگالێ بی دیار دبن ،پارتی چ جارا ئامادەنەبی محما خلیل بگھوریت لێ گوھارت ، چ جارا ئامادەنەبی ئیدارەکرنا مەلەفێ ئەمنی و ئیداری ڕادەستی کەسێ بکت ڕادەستی بەغدایێ کر ، چ جارا ئامادەنەبی پێشمەرگە ژ شنگال‌یھێتە دیرئێخستن ، لێ ل دیڤ ڕێکەفتنێ ئێدی پێشمەرگە ب شنگالێ ناکەڤیت دگەل دەزگەھێن ئەمنی یێن پارتی ھەمی دێ ددەستێ بەغدایێ دابیت.

ب ھەمی ڕەنگا پارتی بزاڤکریە پەکەکێ ژ شنگال دیربێخیت بۆ ڤێ وەکو د ڕێکەفتنێ داھاتی تەنەزل نەمایە نەکت ، لێ پارتی ھەم شنگال ژ دەستدا و ژھەم ژی پەکەکە چ‌جارا ژ شنگالێ دەرناکەڤیت.

ژبەرکۆ:
بەشەکا خەلکێ شنگالێ ب باوەر نوکە د گەل پەکەکێ نە و قەد کەس نەشێت باوەریا وان بگھوریت تایبەت پشتی کارەساتا شنگال.

پەکەکە ب رێییا دامەزراندنا پارتێن عێراقی ژ شنگالیان و ل شنگال ب گورەی یاسا پارتێن سیاسی یێن عێراقێ دێ بنە فەرمی و بەشداری ھەلبژارتنان بن ، نەدیرە کورسیێ پەرلەمانی ببن و بۆ ئێکەم جار د یروکا خوەدا بگەھن پەرلەمانێ عێراقێ، ئێدی نەحکومەتا عێراقێ و نەپارتی نەشێن رێگریێ لێ بکن ب فەرمی و دامەزراوەیکری کەڤن گورەپانا عێراقێ و ھەرێمێ.
ھێزێن نێزیکی پەکەکێ ھێزێن چەکدارن ل شنگال ، بگرە تا ھەرێمەک ژی ئاڤاکریە بناڤێ ھەرێما خوەسەر یا شنگالێ ، ژناڤبرنا وێ د واقعی دا مەحالە.
ب بووچونا من ئێدی پارتی ل شنگال ھێزەک گەلەک لاوازتر ژ بەریا کارەساتا شنگالێ دێ دەرکەڤیت ، ھەم ژرویێ ئەمنی ، ھەم جەماوەریی ڤە ، ل دوماھیێ دبینم یاھاتی‌کرن ل سەر شنگالێ درێکەفتنا بەغدایێ و ھەرێمێ دا
پارتی خوسارەترینە لایەنە

خەلکێ شنگالێ مفادارترینە

بەغدا بھێزترینە و ب وێ‌ھێزێ دێ ڤەگەریت شنگال.

بۆ پەکەکێ ژی تشەک ل سەر واقعی ناھێتە گھورین ، چنکی پەکەکە دێ ب رێکا وەلاتیێن شنگالێ ل شنگال مژیلی چالاکیێن مەدەنی بن ، دەرئێخستنا وان مەحالە ، ژ چەککرنا وان ناھێتە دیتن ب چ رەنگا ، دبیت بارەگایێن ھێزێن خوە چەکدار ببن دەرڤەی سەنتەرێ باژێری ، چونکی بەغدایێ نەڤێت پەکەکە ژ چەک ببیت، ئەڤە ژی ژ ستراتیژیەتێن عێراقێ یە ل بەرامبەری تورکیا.