سەرنووچە:

گرنگیا خاڵا سنوری یا ئیبراهیم خلیل و بیرێن نەفتێ یێن تاوکێ بۆ هەرێمێ

7/18/2020 10:16:19 PM
2500 جار خوێندراوەتەوە
بیلال ئیحسان
+ -

ئەڤ ھەردوو ژێدەرێن داھاتی ھەر چەندە ددستورێ عیراقێ یێ ساڵا ٢٠٠٥ دا ل مادێن ١١٠ و ١١١  و ١١٢  و ١١٤  ئاماژێ ددەت ڤان ھەردوو ژێدەرێن داھاتی و دیاردکەت ئەڤ ھەردوو ژێدەرە دێ ھێنە ڕێڤەبرن برێکا حوکمەتا عیراق و حوکمەتا ھەرێما کوردستانێ پێکڤە ئانکو داھاتێ وێژی دێ ٥٠  ب ٥٠ بیت بوو ھەردوویان ، لێ ل ڤێرێ حوکمەتا ھەرێما کوردستانێ دشێت ژ وێ ڕێژا بو وێ دکەڤیت کو٥٠%  یە مفایەک باش ژێ بکەت و بکاربینیت بوو ڤان مەرەما بوو ھندێ مفای بگەھینیت جڤاکێ خو و ھەرێما کوردستانێ پێش بێخیت.

١ــ  دامەزراندن :  حکومەتا ھەرێمێ دشێت دەرچوێن زانکویا ل  سەر ئاستێ پارێزگەھا دھوکێ بگشتی و باژێرێ زاخو ب تایبەتی ل خالا سنوریا ئیبراھیم خلیل ھەروەسا بێرین نەفتێ یێن تاوکێ دامەزرینیت کو ئەڤەژی دێ رێژەک باش ژ دەرچوێن زانکو پەیمانگەھان ژ بێکاریێ قوڵتارکەت.

٢ــ بۆ بودجا سالانە یا میزانیا حکومەتا ھەرێما کوردستانێ :  حوکمەتا ھەرێمێ دێ شێت مفایەکێ باش بینیت بوو میزانیا گشتی بو ھندێ پروژێن خوە یێن خزمەتگوزاری و موچێن فەرمانبەرێن خو پێ دابین بکەت.

٣ــ  بۆ ھێزا دەرەکی و لەشکەری : حوکمەتا ھەرێمێ دشێت مفایەک زور ژ ڤان ھەردوو ژێدەران بکەت بوو ھندێ بودجەکا شایستە و ژ ھەژی بوو ھێزا پێشمەرگەی دابین بکەت و پێشمەرگەی پێش بێخیت و بھێز کەت لسەر ئاستێ اقلیمی.

٤ــ  بۆ مەرەمێن ستراتیجی و پاشەڕوژی : حکومەتا ھەرێما کوردستانێ دشێت بەشەک ژ داھاتێن خالا سنوریا ئیبراھیم خلیل و بیرێن نەفتێ پاشکەفت بکەت بوو ھندێ ھەردەمێ قەیران بسەر دا ھاتن و توشی ئاستەنگان بوو  مفای ژ وی پارێ پاشکەفتکری وەرگریت و خو ژ قەیرانان قولتارکەت.

٥ــ پیشەسازی و چاندن و  گەشت و گوزار :  حکومەتا ھەرێمێ دشێت مفای ژ ھەردوو ژێدەرێن داھاتی یێن گومرکا ئیبراھیم خلیل و بێرین نەفتێ یێن تاوکێ بکەت  بو ھندێ کەرتێن پیشەسازی و چاندنێ و گەشت و گوزارێ پێش بێخیت بوو ھندێ ل پاشەروژێ ئەڤ کەرتە ببنە ژێدەرێن داھاتی و ئێدی بتنێ پشت بەستن ب نەفت و داھاتێ نافخو بتنێ نەھێت کرن.

ھیفیخوازین حکومەتا ھەرێما کوردستانێ پشتی ٢٩ سالێن حوکمرانیێ کو داھاتێ ڤان ژێدەرێن ب بھا ب ھەدەر ددەت، پێداچونەکێ دخودا بکەت و ڤان ھەردوو ژێدەران و دەھانێن دی یێن کو ھەبوونا وان ھەیە مفای لێ وەرگریت و بوو پێشخستنا جڤاکی و پێگەھێ ھەرێما کوردستانێ بکاربینە ، ئەگەر نە و ئەڤ شێوازێ برێڤەبرنێ بەردەوام بیت دبیت دھەر ساتەکێ دا ڤان ژێدەرێن داھاتی ژ دەست بدەت بوو میناک ژی تورکیا کو بەردەوام دپێکوڵاندایە دەرگایەکێ دیێ سنوری ل شوینا یێ ئیبراھیم خلیل ل گەل وەڵاتێ عیراقێ ڤەبکە.