سەرنووچە:

دانپێدانا ساختە و شکەستنێن پولیتیکی یێن مەسرور بارزانی

3/4/2021 8:49:09 PM
2990 جار خوێندراوەتەوە
عەباس حەسەن
+ -

دانپێدانا ساختە و شکەستنێن پولیتیکی یێن مەسرور بارزانی

ھەڤالێت ھێژا ئەو بناڤ دانپێدانێن دەزگەھێ تیروری بەلاڤکری، گوپیتکا لاوازی و ئیفلاسا ھەوالگێریێ یە و بەلاڤوکەکا تمام ڤالە و سیاسیبوو، بتنێ مەرەم ژێ بۆ ترساندنا جڤاکی و مژیکرنا خەلکیە و ڤەشارتنا گەندەلی و شکەستنێن ئیداری و پولیتیکی یێن کابینا مەسرور بارزانیە، ھەروەسا ئەو ڤیدیو بفەرمانا پارتی ھاتیە بەلاڤکرن نەک دادگەھـ و حکومەتاکا بێ لایەن. 
چەند سەرنجەک؛- 
١- چ قەزیێت قانونی تێدا نینن و ھند ژوان ناما لژێر گەفێن نامیسێ و ئەشکەنجا جەستەیی و دەروونی ب زووری ب وان داینە گوتن و نڤێسین، نموونە پشتی کو ئاکاونتێ فەیسبوکی یێ شێروان شێروانی کەفتینە دەستێ پاراستن و ئاسایشێ ھندەک نامە بناڤێ گرتیان ھاتینە نڤێسین ژلایێ مرتەزقێت بنەمالێڤە، نموونە رۆژنامەڤان (شێر شێروانی) ھند نڤێسین یێت پێ داینە نڤێسان.
٢- (ئەگەر) ئەگەر ئەو ئاخفتن مەیدانی ژی گوتبن ئەو گوتن نەکرینە کریار و دگرتنێدا کەس سەرا ئنیەت و پلانێ ٦ سالا ناھێتە گونەھبارکرن و حوکمکرن، لەورا ژلایێ یاساییڤە ھیچ دەرکەتن ژ سنورێ یاسایێ دگرتنا ڤان زیندانیادا نینە و جڤاک پشت راستە ژ پاقژیا وان و ھەمی دزانن کی تێکدەر و سیخورە. 
٣- بناڤ دەزگەھێت ئێمناھیێ ئەوێن کو ژلایێ پارتیڤە دھێنە ئاراستەکرن، خەلکی گەلەک جارا لسەر گومانێ دگرن بێیکو رابوریێ وی بزانن، ژھەمی عەقلێ خۆ ئاسایشا پارتی وەسا ھزر دکەت یێ رەخنا بگریت پەکەکەیە، رەنگە ھین باوەر نەکەن کو گەلەک ژوان ب فەرمانا میتا تورکیا ھاتینە گرتن و تیرورکرن! 
٤- چەند ڤیدیو ھەنە یێت لڤاندنا پێشمەرگەی و میلیشتیاتێت بنەمالێ و ب نھێنی ھاتینەگرتن و بەلاڤبووینە ب لایڤ دکەنال و... مەعقولە ھەمی سیخوری بیت؟ 
٥-ئەرێ کومکرنا زانیاریان دگروپاندا بۆ سایت و پەیجێن رەخنەگر یان دانوستاندنێن ڕۆژانە، ئایا ئەڤە تیرور و سیخوری و تێکدانە یان تیرورکرنا رۆژنامەڤانا و سوتنا بارەگا و سانسورکرنا پیشەیێ رۆژنامەگەری و دانپێدان پێکرنا بێ تاوانا لژێر ئەشکەنجا دەرونی و جەستەیی؟
*کورت و کرمانج ئەڤ کارێ نزمێ پارتی نادیموکراتی ناکوردستانی کری بێ گومان دێ خەلکێ دەڤەرێ تورەتر بیت و پارتی ژی دێ سڤکتر و ریسوتر و سەرشورتر بیت.