سەرنووچە:

بۆچی، ئافرەت ڕوولێ خۆ د سوشیال میدیایێ دا ناگێڕیت؟

1/15/2021 8:30:22 PM
3644 جار خوێندراوەتەوە
زەینەب فەخری
+ -

ئافرەتا کورد بگشتی خودان شیان و ھزرەک مەزن و بەرفرەھە، لێ د بڕیاردانێ ب ڕەخنەڤە ڤێ دبێژم جورئەت نینە، ڕاستە دڤێت مرۆڤ ئاگەداری کەسایەتییا خۆ دینێ خۆ بیت، لێ نەک بڤێ بھانەیێ ئافرەتا کورد خۆ فەتسینیت و شیان و ھزرێن خۆ بکوژیت، چەندا گرنگ و پێدڤیبوو نوکە مە ١٠٠ ئافرەت ل سنورێ شێخان و ئاکرێ ھەبانە د سوشیالمیدیێ دا سەرکێشا ژنێن کێم ئەزموون بان، بۆ کارپێکرنا ھزرا وان و بگشتی ژنێ ژ پێخەمەت پێشکەفتنا جڤاکی و ئاڤەدانی و پێگەھاندنا کەسایەتیا ئافرەتا کورد ژ ڕوویێ ژیانکرنێ ڤە و پشکداریپێکرنا وان د پێشڤەچوونا گەل و وڵاتی دا.

 ئەو گازندەیەکە من ل ژنێ بخۆ یا کری.

جڤاکێ مە و ژن:

سەحکرنا ژنێ وەک کالا و خزمەتکار و جنس، ژ لایێ بەشەکێ زۆرێ ھزرا نێرینەیا جڤاکیڤە، کو جھێ داخێیە بووینە ئەڤ ئاستەنگ و ستریە د ڕێکا ئازادبوونا ژنێ دا، بەشەکا زوورا ڕەگەزێ نێر ژنێ دبینن بتنێ بۆ کارێ مال و بتنێ بۆ خزمەتکرنا مالێ، یان دەرکەفتنا ژنێ شکەستنا کەرامەتێ، دڤێت ئەم بێژینە ڤێ ھزرێ، ئەو ژنا تۆ ژ شەرەف و کەرامەتا خۆ پێ دترسی ئەوە دایک و ھەڤژیناتەیە، ئەوە تۆ پەروەردە کری، چاوا دبیت ھوسا ب گومان لسەر وان بھزرن؟!.

زارۆک ژنە پەروەردە دکەت ئاڤەدانی و پاڤژکرن و ڕێکخستنا مالێ ژنە دکەت، ئێ ئەگەر ئەم ڤێ ژنێ ژ قالبێ مال دەربینین، ببەینە ناڤ جڤاکێ ل شوونا زارۆکێن خۆ سەدان زارۆکێن دی پەروەردە بکەت و ١٠ مال و کەسان فێری ڕێکخستنا ژیانێ بکەن، بوونە فێرگەھەک مەزن یان نە؟، بێگومان ئەرێ، بۆچی قوتابخانەیان ل سوشیالێ نادەینە دەست ژنێ و ببنە ھوکارەک بۆ ھۆشیارکرن و ڕێکخستنا ڤی جڤاکی، ل دۆماھیکێ دێ پرسم، کییە سەربازێ ڤەشارتی ژن یان زەلام، کیە ڤان تشتان ھەمیان دکەت کو نوکە جڤاک پێ گەھشتی ژن یان زەلام؟ بەرسڤ بۆ وان کەسان کو ئەنتی یان دژە ھزرا ژنێ یا ئاڤاکەرن.