سەرنووچە:

ئەرێ کورد و برایێت موسلمان دوژمنێن ئێکن؟

10/10/2020 9:47:54 PM
1863 جار خوێندراوەتەوە
ردوان گولی
+ -

وەکی یا خویایە کوما برایێت موسلمان (الاخوان المسلمون) ل سالا ١٩٢٨ز لسەر دەستێ ئیمام حەسەن بەننای (١٩٠٦ ــــ ١٩٤٩) ھاتیە دامەزراندن ( ماموستا تەحسین ئیبراھیم دوسکی دگوتارەکێ دا بناڤێ ئیخوان دتەرازیێ دا وەسا خویا دکەت کە ھندەک دبێژن ئیمام حەسەن بەننا دبنیات دا کوردە بەس نە ژێدەرەکێ باوەر پێکریە).

 گەلەک خەم خورێ کێشێن مللەتێن ئیسلامی بوو لسەرانسەری جیھانێ بێ جوداھی ژ کەنداڤی ھەتا زەریای ژ بەر ڤێ گرنگیێ لسالێن جلاندا دەمێ حکومەتا عێراقێ ھێرشێن دژوار وھوڤانە دکرن سەر شورەشگێرێن کوردا ل چیایێت کوردستانێ ئیمام حەسەن بەننای نامەک ئاراستەی حکومەتا عێراقێ کر تێدا داخازێ حکومەتێ دکەت ب دیتنەکا ئیسلامی لێرینێ بکەن لدوزا کوردان وستەمێ لسەر وان راکەن جونکە ئەو برایێت منە یێت ئولی وھەروەسا ئاماژە ب ھندێ کر کە مللەتێ کورد ژ ھەمی گەلێن ئیسلامی دلسوزترن وخوە راگرترن لسەر ئیسلامێ وپشتەڤانن بو ئێکگرتنەکا ئیسلامی.

ئەڤ نامە ب درێژی دگوڤارا (الاخوان المسلمین)دا لسالا ١٩٤٤ ھاتیە بەلاڤەکرن ، یا فەرە بێژین ماموستا دکتور موحسن عبدالحمید سەروکێ پارتا ئیسلامیا عێراقی (یێ بەری نوکە کو کەسایەتیەکێ کوردە) دبێژیت: من ب خوە ئەڤ نامە خاندی یە، پشتی سازیێن کوما برایێت مسلمان گەھشتی عێراقێ ب رێکا شێخ مەحمود سەوافی خودێ ژێ رازی بیت ھەر وەکی ھندەک ژێدەر خویا دکەن شێخ سەوافی پەیوەندیێن زور باش ودوستانە ھەبوون لگەل سەرکردێ کورد مەلا موستەفا بارزانی، ھەر ژبەر ڤێ دوستاتیێ رابیتا ئیسلامیا کوردی مزگەفتەکا زور قەشەنگ ل ھەڤلێرا پایتەخت بناڤێ مزگەفتا سەواف ئاڤاکری یە پروفیسور دکتور عەلی قەرەداغی ئەمینداریێ گشتیێ ئێکەتیا زانایێت ئیسلامی ل جیھانێ ئەڤ پەیوەندیا بارزانی وسەوافی ئینات زمان دەمێ مزگەفتا سەواف ڤەکری.

 ل سالا ١٩٦٦ز دەمێ جەمال عبدالناسری بریارا سێدارەدانا ھزرڤانێ ئیسلامی سەید قوتبی دای، زانا وناڤدارێن ئیسلامێ ئیمزا کومکرن ژ بو راوەستاندنا ڤێ بریارێ ئێک ژ ڤان کەسێن ئیمزا کری مەلا موستەفا بارزانی بوویە.

 بەلێ نوکە نزانم بو جی ئەندامێن پارتی وئێکەتی ولایەنگرێن وان دکەیف خوشن ب ئنقیلابا لەشکەری دژی موحمەد مورسی سەروکێ مسرێ؟! ب ھزاران ئەندام لاینگرێن یەکگرتووی ئیسلامیی کوردستان ھاتیە زیندانکرن وئەشکەنجەدان ودوو جاران بارەگایێن وان ھاتینە سوتن وتالانکرن وزێدەباری شەھیدکرنا جەند ئەندامێن یەکگرتوو، ھیج جارەکێ ئیخوانا ئیدانا ڤان رویدانا نە کریە بەلێ دەمێ بارەگایێن پارتی وئێکەتی ل ھەڤلێرا پایتەخت تووشی ھێرشێن تیرورستی بین ل سالا ٢٠٠٤ وھژمارەکا کەسانێن سەرکردە بوونە قوربانی د روژا چەنێ دا کوما برایێت مسلمان ل مسرێ ھەلویستێ خوە دیارکر دەمێ بروسکەکا سەرەخوشیێ ئاراستەی سەرکردایەتیا پارتی وئێکەتی کری وئیدانا وان کریارێن تیرورستی کر ژ لایێ مورشدێ ئیخواناڤە موحمەد مەھدی عاکفی، بەلێ بو جی مروڤ ھندە بێ وەفا بیت نزانم ، دبیت ھندەک جاران گەلەک کەس ب ئەزمانەکێ زڤر ونەشرین بەحسێ حەسەن بەننای دکەن وھیج پێزانینەکە لسەر ڤی کەسێ بەرێز وھێژا نینە بتنێ چونکە ئیسلامییە وخودان پروژەکێ شارستانی و ژیواری یە بتنێ بو زانین ھەڤالەکێ من ھاتە گرتن ژ لایێ دەست ھەلاتا کوردی ڤە ژ بەر ھەلویستێ وی یێ سیاسی ئەڤجا تشتێ سەیر ئەوبی دەمێ ئەفسەری دگوتێ ئەرێ مانە شەرمە تو کەتی دویڤ حەسەن بەننای نوکە ئەو یێ ل ھوتێلێن پێنج ستێر ل باژێرێن پاریس ولەندەن خوشیێ دبیت وتو دزیندانێ ڤە؟؟ ئەگەر ئەڤە پێزانیێن کەسەکێ بەرپرس بن تو جی ھزر دکی بو خەلکێ سادە ؟؟ بەلێ دڤێت ئەم ھەلویستێ مەلا موستەفا بارزانی ژ بیر نەکین دەمێ لسالا ١٩٦٦ ئەوی لگەل ماموستا وزانایێت عێراقێ داخاز ژ سەروکێ مسرێ جەمال عبدالناسری کری ھزرڤان وشروڤەکەرێ قورئانا پیروز وخودانێ تەفسیرا(فی ڤلال القران) سەید قوتب نە ھێتە سێدارەدان.

ھەژی گوتنێ یە بێژین زور ژ سەرکردێن کارێ ئیسلامی لسەرانسەری جیھانێ و نڤیسەر وھوزانڤان وبیرمەندێن ئیسلامی ھەلویستێ وان گەلەک یێ باش بوو لگەل دوزا گەلێ کورد بو نموونە شێخ یوسف قەرزاوی ، راشد غەنوشی ، مەحفوز نەحناح ،فەھمی ھویدی و چەندیێن دی.