سەرنووچە:

​د شەڕەکی دا ل خارنگەهەکێ ١٢ کەس برینداربوون

فۆتۆ: 
2021-05-14

386 جار خوێندراوەتەوە

نووچەگەهانێ ئێن ئاڕ تی ڕاگەهاند، شەڤا دەربازبووی ل ئێک ژ خارنگەهێن کەرکوکێ دناڤبەرا سەرەدانکەران و خۆدان و ئەو کەسێن دناڤ خارنگەهێ دا کاردکەن بوویە شەڕ و ب وی سەدەمی ١٢ کەس برینداربوون.

دیار محەمەد نووچەگەهانێ ئێن ئاڕ تی ل کەرکوکێ ڕاگەهاند، شەڤا دەربازبووی ل تاخێ رووناهی ل خارنگەها "کەرادە" ل کەرکوکێ، ل دیڤ گوتنا دیدەڤانان دوو کەسێن سەرخوش چووینە وێ خارنگەهێ.

دەربارەی وێیەکێ دیدەڤانان بۆ ئێن ئاڕ تی گوت، وان دوو کەسان ئاخفتێن نەجوان گوتینە کچەکێ کو ل وێ خارنگەهێ کاردکر و ب وی سەدەمی ئالۆزی دروستبووینە، و پشتی وێێەکێ بوویە شەڕ.

ئاماژە ب وێیەکێ ژیکر، ب سەدەما وی شەڕی ١٢ کەس برینداربوون و برینا دوو ژوان یا گرانە.

ئەوژی دیارکر، د شەڕی دا چەقۆ و ساتور و چەک هاتینە بکارئینان و ئەو دوو کەسە ژ خارنگەهێ دەرکەتینە و کەسوکارێن خۆ برینە و شەڕ درێژ بوویە.

نووچەگەهانێ ئێن ئاڕ تی بەحسا وێیەکێ کر، تەڤایا ئەو کەسێن پشکداری شەڕی بووین ل نەخۆشخانێ هاتینە دەستەسەرکرن.

دەربارەی وی شەڕی ئێن ئاڕ تی پەیوەندی ب پۆلیسێن کەرکوکێ کر، لێ چ لێدوانەک نەدا و گوتی بەردەوامین لسەر ڤەکۆلینان.