سەرنووچە:

دەربارەی خێزانا کورد؛ کونسۆلێ تورکیا بەرسڤ ددەت

فۆتۆ: 
2021-05-14

505 جار خوێندراوەتەوە

پارێزگارێ هەولێرێ ڕاگەهاند، کونسۆلێ تورکیا ب وان ڕاگەهاندیە، ئەو کەسێن ل تورکیا هێرشکریە سەر وێ خێزانا کورد هاتینە دەستەسەرکرن، دبێژیت ژی، ساخلەمیا ئەندامێن وێ خێزانا کورد یا جێگیرە.

ئومێد خۆشناو پارێزگارێ هەولێرێ ڕاگەهاند، کونسۆلخانەیا تورکیا دەربارەی وان کەسێن هێرشکربوو سەر وێ ێزانا کورد بەرسڤدایە و هاکان کاراجای کونسۆلێ تورکیا ل هەرێمێ ب وان ڕاگەهاندیە کو سێ کەس دەستەسەرکرینە.

ئەو یەک ژی بەرچاڤکر، کونسۆلێ تورکیا ب فەرمی پەیوەندی پێ کریە و دەستەسەرکرنا وان کەسان پێ ڕاگەهاندیە.

کونسۆلێ تورکیا ل هەرێمێ بەحس ژ وێ یەکێ ژی کریە، ڤەکولین بۆ بویەرێ کریە و نها ئەو خێزان ل نەخۆشخانێ چارەسەریێ وەردگرن، رەوشا ساخلەمیا وان ژی باش و جێگیرە.

ئەڤە ژی ل پشتی وێ یەکێ دهێت، خێزانەکا کورد یا باژێرێ هەولێرێ ب مەبەستا گەشتکرن سەرەدانا تورکیا کریە، لێ ژ ئالیێ چەند کەسێن ب نەتەوە تورک بەرهنگاری هێرش و پەلاماردانێ بوون و تێدا زەلامەکێ وێ خێزانێ، ب سەختی برینداربوو و رەوانەی نەخۆشخانێ هاتە کرن.

هـ.ر