سەرنووچە:

پەرلەمانێ عێراقێ لسەر هێرشکرنا سەر خێزانەکا کورد ل تورکیا هاتەدەنگ

فۆتۆ: 
2021-05-14

682 جار خوێندراوەتەوە

لژنەیا پەیوەندیێن دەرڤە ل پەرلەمانێ عێراقێ ڕاگەهاند، "ئیدانا وێ هێراشا رەگەزپەرستیانە دکەین کو تێدا هێرشکریە سەر خێزانەکا خەلکێ هەرێما کوردستانێ و بزاڤ کریە ب بەران بکوژیت".

ئەڤرۆ ئەینی، لژنەیا پەیوەنیێن دەرڤە یا جڤاتا نوینەرێن عێراقێ د ڕاگەهاندنەکێ دا بەحسا وێیەکێ کر، ل باژێرێ مێرسینێ ل تورکیا، چەند وەلاتیێن تورک هێرش کریە سەر خێزانەکا خەلکێ هەرێما کوردستانێ کو ب مەرەما گەشترنێ چووبوونە وی وەلاتی و ب وی سەدەمی زەلامەکێ وێ خێزانێ ب دژواری برینداربوو و هاتیە رەوانەکرن بۆ نەخۆشخانێ.

د ڕاگەهاندنا لژنەیا پەیوەنیێن دەرڤە یا جڤاتا نوینەرێن عێراقێ دا هاتیە، کو ئیدانا وێ روویدانێ وەک ئەو بخۆ دبێژن "رەگەز پەرستیانەیە" دکەن، کو ئەڤە بۆ جارا گەلەکێ یە دووبارە دبیت و هەڤدەم، داخازێ ژ حکومەتا تورکیا دکەن دەملدەست ڤەکۆلینان دەربارەی روویدانێ دەست پێبکەن و تاوانبار ژی بگەهنە سزایێ خۆ.

د بەشەکێ دیێ ڕاگەهاندنێ دا هاتیە، داخازا هەڤبەندیێ کریە دگەل حکومەتا تورکیا ب مەرەما رێگریکرنێ ژ دووبارەبوونا روویدانێن ب ڤی جۆری د پاشەرۆژێ دا.

ئەڤە د دەمەکی دایە، ل سالا دەربازبووی هەر ل وەلاتێ تورکیا لسە راکرنا ئالایێ کوردستانێ ل باژێرەکێ وی وەلاتی هێرشی گروپەکێ گەشتیاری هاتبوو کرن کو ژ چەند خێزانان پێکهاتبوون.