سەرنووچە:

د ئێکەم رۆژا جەژنێ دا؛ ل هەرێمێ توشبوون ب کۆرۆنایێ کێم بوویە

فۆتۆ: 
2021-05-13

242 جار خوێندراوەتەوە

ساخلەمیا عێراقێ ڕاگەهاند، د دەما ٢٤ دەمژمێرێن دەربازبوویدا، چار هزار و ٥١٢ حالەتێن توشبوونێ و ٢٨ حالەتێن ژیان ژدەستدانێ ل پارێزگەهێن باشوور و ناڤەراستا عێراقێ دا هاتینە تومارکرن،هەڤدەم، ل هەرێمێ ژی، ٦٣٦ حالەتێن توشبوونێ و هزار و ٤٦ حالەتێن چارەسەربوونێ و شەش حالەتێن ژیان ژدەستدانێ هاتینە تومارکرن، لدیڤ وێیەکێ ژی ل هەرێمێ توشبوون ب کۆرۆنایێ کێم بوویە.

ئەڤرۆ پێنجشەمبی، وەزارەتا ساخلەمیا عێراقێ د ڕاگەهاندنەکێ دا بەحسا وێیەکێ کر، ل تەڤایا پارێزگەهێن باشوور و ناڤەراستا عێراقێ دا، چار هزار و ٥١٢ کەس تووشی ڤایرۆسێ کۆرۆنایێ بووینە و پێنج هزار و ٤٣ کەس ژ ڤایرۆسێ کۆرۆنایێ چارەسەربووینە، هەڤدەم، ٢٨ کەسان بسەدەما ڤایرۆسی ژیانا خۆ ژدەستدایە.

د ڕاگەهاندنا وەزارەتا ساخلەمیا عێراقێ دا هایتە، ل سەرانسەری هەرێمێ، ٦٣٦ کەس توشی ڤایرۆسی بووینە و هزار و ٤٦ کەس ژ ڤایرۆسێ کۆرۆنایێ چارەسەربووینە و شەش کەسان ل هەرێمێ بسەدەما ڤایرۆسێ کۆرۆنایێ ژیانا خۆ ژدەستدایە.

ڤایرۆسێ کۆرۆنایێ ل داویا سالا ٢٠١٩ێ ل باژێرێ وهانێ ل چینێ سەرهلدا، هەیا نیسانا سالا ٢٠٢٠ێ د تەڤایا جیهانێ دا بەلاڤبوو، هەڤدەم هەیانها ل عێراقێ ئێک ملیۆن و ١٣٢ هزار و ٩٢ کەس توشی ڤایرۆسێ کۆرۆنایێ بووینە، هەڤدەم ئێک ملیۆن و ٢٨ هزار و ٦٢٧ کەس چارەسەربووینە و ١٥ هزار و ٨٨٣ کەسان ژی بسەدەما ڤایرۆسی ژیانا خۆ ژدەستدایە.