سەرنووچە:

ڕێڤەبەرێ گشتی یێ بەنداڤان: مە پێتڤێ ب نێزیکی ٢٥ ملیار دیناران هەیە بۆ بەرهنگاریا هشکە سالیێ

فۆتۆ: 
2021-05-12

223 جار خوێندراوەتەوە

ڕێڤەبەرێ گشتی یێ بەنداڤێن هەرێمێ بۆ ئێن ئاڕ تی ڕاگەهاند، ئەڤسالە ل هەرێما کوردستانێ هشکەسالیا تەڤاهی و ل پتریا دەڤەرێن هەرێمێ ب رووهنی هەست پێدهێتە کرن، دبێژیت ژی، "مە پێتڤی ب نێزکی ٢٥ ملیار دیناران هەیە بۆ بەرهەنگاربوونا هشکەسالیێ".

ئەڤرۆ چارشەمبێ، ئەکرەم ئەحمەد ڕێڤەبەرێ گشتیێ بەنداڤێن هەرێما کوردستانێ بۆ ئێن ئاڕ تی ڕاگەهاند ژی، بەرهەمێ دەخلۆدانی و ژێدەرێن ئاڤێ زێدە کێمبوویە و ئاستێ ئاڤا بیرانژی کێمبوویە.

دیارکر، چەندین بیرێن نە یاسایی هاتینە کۆلان و باندوریەکا زێدە دروستکریە.

ئاماژە بوێیەکێ ژیکر ، "مە پلانەک بۆ کێمکرنا هشکەسالیێ هەیە ئەگەر چ بن بڕ ناکەت لێ بەشەک ژ ئاریشەیان دێ چارەسەر دکەت، لێ پێتڤی ب بودجەیی هەیە".

دێژیت ژی، "ب بۆچوونا من پێتڤی ب ٢٠ تا ٢٥ ملیار دیناران هەیە بۆ بەرهنگاربوونا هشکەسالیێ".

بەحسا وێیەکێ ژیکر، هشکەسالیێ کێمتر باندورا لسەر باژێران هەی و باندوریا زێدەتر لسەر گوندان و جهێن دوویردەست هەیە.

ئەڤە د دەمەکی دایە، بەریا نها ئاری ئەحمەد ڕێڤەبەرێ گشتیێ ئاڤ و ئاڤدێریا ل هەرێما کوردستانێ ڕاگەهاندبوو، ل گورەی ڕاپۆرتا سالانە یا بارانبارینێ ئەڤسالە ٥٠% باران کێمتر باریە ژ سالێن دەربازبووی و هشکەسالیێ هەرێم ڤەگرتیە.